సాధారణంగా తెలుగమ్మాయిలకు తెలుగు పెద్దగా ఆఫర్లు రావు అని చెప్పుకోంటుంటాం. కానీ.. తెలుగు బ్యూటీ ఈషా రెబ్బాకి మాత్రం ఇప్పటివరకూ ఏ తెలుగమ్మాయికి రాని స్థాయి బంపర్ ఆఫర్ వచ్చింది. ఆల్రెడీ హీరోయిన్ గా మంచి సినిమాల్లో నటిస్తూ తనకంటూ ప్రత్యేకమైన గుర్తింపు సంపాదించుకొన్న ఈషా రెబ్బాకి త్రివిక్రమ్ దర్శకత్వంలో తెరకెక్కుతున్న తాజా చిత్రంలో నటించే అవకాశం లభించింది. ఈ చిత్రంలో ఎన్టీఆర్ సరసన పూజా హెగ్డే కథానాయికగా నటిస్తుండగా.. ఈ చిత్రంలో నవీన్ చంద్ర ఓ ముఖ్యపాత్ర పోషిస్తున్న విషయం తెలిసిందే.
నవీన్ చంద్రకు జోడీగా ఈషా రెబ్బ కనిపించనుందని తెలుస్తోంది. ఈ అవకాశాన్ని గనుక ఈషారెబ్బ పూర్తి స్థాయిలో వినియోగించుకోగలిగితే అంజలిని మించిన మార్కెట్ మరియు స్టార్ డమ్ సాధించుకోగలదు ఈషా. ఈ దసరాకి విడుదలవుతున్న “అరవింద సమేత వీర రాఘవ” ఈషా రెబ్బ కెరీర్ కు ఏమేరకు ఉపయోగపడుతుందో చూడాలి మరి.
ఈషా ప్రస్తుతం సుమంత్ సరసన “సుబ్రమణ్యపురం” అనే సినిమాతోపాటు మరో రెండు సినిమాలు చేస్తోంది. ఇవి కాకుండా అమ్మడికి తమిళం నుంచి ఆఫర్లు వస్తుండడం విశేషం.
