ప్రస్తుతం తెలుగు చిత్ర పరిశ్రమలో తెలుగు అమ్మాయిలు పరభాషా భామలతో పోటీ తట్టుకొని నిలబడడం కష్టమయిపోతోంది. అయినా తెలుగు అమ్మాయి ఈషా రెబ్బ గట్టిగా అడుగులు వేస్తోంది అమీ తుమీ సినిమా ద్వారా మంచి పేరు తెచ్చుకున్న ఈమె “అ” సినిమాలోను తన నటనతో ఆశ్చర్యపరిచి మంచి ఆఫర్ పట్టేసింది. యంగ్ టైగర్ ఎన్టీఆర్ సినిమా అరవింద సమేత వీర రాఘవలో ఛాన్స్ అందుకుంది. త్రివిక్రమ్ దర్శకత్వంలో రూపుదిద్దుకున్న ఈ మూవీ తన కెరీర్ కి హెల్ప్ అవుతుందని ఆనందపడింది. అయితే ఈ చిత్రంలో ఈషా రెబ్బాకి పెద్ద స్కోప్ ఉండదని తెలిసింది. త్రివిక్రమ్ క‌థ రాసే సమయంలో ఈషా పాత్ర బాగానే ఉన్నింది.
ఆ తర్వాత స్క్రిప్ట్ దశలో ఈషా పాత్ర బాగా కుదించుకుపోయింద‌ని సమాచారం. షూటింగ్‌కి వెళ్ల‌క‌ముదే ఈషా స‌న్నివేశాల‌కు బాగా క‌త్తెర్లు ప‌డిపోయాయ‌ని టాక్‌. 15 రోజుల కాల్షీట్లో ఈషాపై తెర‌కెక్కించింది నాలుగు స‌న్నివేశాలే అని తెలిసింది. పైగా ఎడిటింగ్ లో ఆమె కనిపించే షాట్స్ తగ్గిపోయాయని ఫిలిం నగర్ వాసులు చెప్పారు. అయినప్పటికీ స్టార్ హీరో సినిమాలో కనిపిస్తే కొన్ని ఆఫర్లు వస్తాయని ఈషా రెబ్బా ఆశపడుతోంది. దసరా కానుకగా అక్టోబర్ 11 న రిలీజ్ కానున్న ఈ మూవీ ఈషా రెబ్బా కెరీర్ కి ఎంతమేర ఉపయోగపడుతుందో చూడాలి.
