కోలీవుడ్ కు చెందిన టాలెంటెడ్ దర్శకుల్లో లోకేష్ కనగరాజ్ ఒకరు. ‘మానగరం’, ‘ఖైదీ’ లాంటి సినిమాలతో ఆకట్టుకున్న ఈ దర్శకుడు ‘మాస్టర్’ సినిమాతో వంద కోట్ల క్లబ్ లో చేరిపోయాడు. ప్రస్తుతం ఈ డైరెక్టర్.. కమల్ హాసన్ ప్రధాన పాత్రలో ‘విక్రమ్’ అనే సినిమాను రూపొందిస్తున్నాడు. కొద్దిరోజుల క్రితం విడుదలైన ఈ సినిమా టీజర్ ప్రేక్షకులను విశేషంగా ఆకట్టుకుంది. దీంతో సినిమాపై అంచనాలు పెరిగిపోయాయి. కోవిడ్ కారకంగా సినిమాను షూటింగ్ ను వాయిదా వేశారు.
లాక్ డౌన్ ఎత్తేసిన వెంటనే తిరిగి షూటింగ్ ను మొదలుపెట్టనున్నారు. ఇందులో విలన్ గా విజయ్ సేతుపతి కనిపించనున్నారనే వార్త ఇండస్ట్రీ వర్గాల్లో హాట్ టాపిక్ గా మారింది. ఇప్పుడు మరో టాలెంటెడ్ నటుడిని ఈ సినిమా కోసం ఎంపిక చేసుకున్నట్లు తెలుస్తోంది. మలయాళంలో హీరోగా ఎన్నో సినిమాలు చేసిన ఫహద్ ఫాజిల్ ఈ మధ్యకాలంలో నెగెటివ్ రోల్స్ లో నటించడానికి కూడా ఆసక్తి చూపుతున్నాడు. ఇప్పటికే ‘పుష్ప’ సినిమాలో విలన్ గా కనిపించడానికి సిద్ధమైన ఫహద్ ఫాజిల్ ఇప్పడు కమల్ హాసన్ సినిమాలో అవినీతికి పాల్పడే పోలీస్ ఆఫీసర్ గా కనిపించనున్నారని సమాచారం.
కథ ప్రకారం రౌడీ అయిన విజయ్ సేతుపతికి అన్ని విషయాల్లో సహకరిస్తుంటాడట ఫహద్ ఫాజిల్. వీరిద్దరినీ హీరో ఎలా ఎదుర్కొంటాడనేదే సినిమా. ముగ్గురు టాలెంటెడ్ నటులు ఒకే సినిమాలో కనిపిస్తున్నారని తెలియగానే సినిమాపై క్రేజ్ మరింత పెరిగింది. ఈ భారీ యాక్షన్ డ్రామాకు అనిరుధ్ రవిచందర్ మ్యూజిక్ అందిస్తున్నారు.
Most Recommended Video
టాలీవుడ్ స్టార్ హీరోల ఫేవరెట్ ఫుడ్స్ ఇవే..?
ఈ 10 సినిమాల్లో కనిపించని పాత్రలను గమనించారా?
2020 లో పాజిటివ్ టాక్ వచ్చినా బ్రేక్ ఈవెన్ కానీ సినిమాల లిస్ట్..!
