అనుష్క భాగమతిగా చూసేందుకు ఆతృతలో అభిమానులు

తెలుగు చిత్ర పరిశ్రమలో హీరోలతో సమానంగా అభిమానులను సంపాదించుకున్న నటి అనుష్క. స్టార్ హీరోల పక్కన స్వీటీ అందంగా నటిస్తూనే లేడీ ఓరియెంటెడ్ సినిమాల్తో ఓ గుర్తింపును సాధించుకుంది. ఆమె లీడ్ రోల్ పోషించిన అరుంధ‌తి, రుద్ర‌మ‌దేవి సినిమాలు సూపర్ హిట్ అయ్యాయి. భారతీయులు గర్వించదగ్గ మూవీ బాహుబలిలోనూ దేవసేనగా ఆకట్టుకుంది. ప్రస్తుతం అశోక్ (పిల్ల జ‌మీందార్ ఫేం) దర్శకత్వంలో రూపొందుతున్న భాగమతి సినిమా కోసం శ్రమిస్తోంది. పోస్ట్ ప్రొడక్షన్ వర్క్ జరుపుకుంటున్న ఈ సినిమాలో అనుష్క లుక్ కోసం అభిమానులు ఆత్రంగా ఎదురుచూస్తున్నారు. ఆమె క్యారక్టర్ ఎలా ఉంటుందో తెలుసుకోవాలని ఆరాటపడుతున్నారు.

అందుకోసమే చిత్ర యూనిట్ మూవీ ఫ‌స్ట్ లుక్ పోస్ట‌ర్ ని జూన్ 30న ప్ర‌భాస్ చేతుల మీదుగా విడుద‌ల చేయాల‌ని ప్రయత్నిస్తోంది. యూవీ క్రియేష‌న్స్  బ్యానర్ పై వంశీ కృష్ణా రెడ్డి ఈ చిత్రాన్ని నిర్మిస్తున్నారు. వంశీ మిత్రుడు కావడంతో ప్రభాస్ ఈ పోస్టర్ రిలీజ్ చేయడానికి వస్తారని అందరూ నమ్మకంగా ఉన్నారు. ఆది పినిశెట్టి, విద్యు రామ‌న్, జ‌య‌రాం, ఉన్ని ముకుంద‌న్, ఆశా శ‌ర‌త్ తదితరులు నటిస్తున్న ఈ మూవీ ఆగ‌స్ట్ 11న  రిలీజ్ కానుంది.

Also, do SUBSCRIBE to our YouTube channel to get latest Tollywood updates.