రాజమౌళి -రాంచరణ్ – రామారావు (జూ.ఎన్టీఆర్)… ఈ కాంబినేషన్లో సినిమా మొదలయ్యింది అన్నప్పుడే బోలెడన్ని రూమర్లు పుట్టుకొచ్చాయి. ఇక అనౌన్స్మెంట్ ఇచ్చి ‘ఆర్.ఆర్.ఆర్’ టైటిల్ చెప్పారో లేదో ఇది… ‘రామ రావణ రాజ్యం’ అని ఇందులో రాముడుగా చరణ్ నటిస్తాడని.. రావణుడుగా ఎన్టీఆర్ నటిస్తాడని చెప్పుకొచ్చారు. ఇక ఇదికాస్త ముగిసి షూటింగ్ మొదలయ్యాక ఈ చిత్రంలో రాంచరణ్… పోలీస్ ఆఫీసర్ గా కనిపిస్తున్నాడని, ఎన్టీఆర్ బందిపోటుగా కనిపిస్తాడని రూమర్స్ వచ్చాయి. ఇక తాజాగా ఏర్పాటు చేసిన ప్రెస్ మీట్లో ఇవేమి కాదని రాజమౌళి తేల్చేసాడు.
ఈ చిత్రంలో అల్లూరి సీతారామరాజుగా రాంచరణ్ కనిపిస్తాడని, కొమరం భీమ్ గా ఎన్టీఆర్ కనిపించబోతున్నట్టు క్లారిటీ ఇచ్చాడు. అల్లూరి సీతారామరాజు, కొమరం భీమ్ వారి 20 వ సంవత్సరంలో (యుక్త వయసులో) ఎదుర్కొన్న కొన్ని సంఘటనల్ని జత చేసి ఒక ఫిక్షనల్ డ్రామాగా తెరేకేక్కిస్తున్నట్టు తెలిపాడు. అంతా బానే ఉంది కానీ ఒక్క ఎన్టీఆర్ లుక్ విషయంలోనే అభిమానులు కలవరపడుతున్నారు. రాంచరణ్ చాలా ఫిట్ గా కనిపిస్తున్నాడు, అయితే ఎన్టీఆర్ మాత్రం కాస్త లావుగా కనిపిస్తున్నాడు. మా హీరో లుక్ ఇలా ఉందేంటి అంటూ ఎన్టీఆర్ అభిమానులు కూడా ఆందోళన చెందుతున్నట్టు తెలుస్తుంది. అయితే ఎన్టీఆర్ మళ్ళీ లుక్ మారుస్తాడా…? లేక కొమరం భీమ్ తన 20 వ సంవత్సరంలో కాస్త లావుగా ఉన్నట్టు చూపిస్తారా అనేది తెలియాల్సి ఉంది.
Home
