అన్నదమ్ముల మధ్య విబేధాలొచ్చాయి!

‘జ్యో అచ్యుతానంద’ సినిమాలో అన్నదమ్ములుగా నటించిన నారా రోహిత్-నాగశౌర్యలను చూసి నిజంగా అన్నదమ్ములంటే ఇలా ఉండాల్రా అని అనుకొన్నవారు కోకొల్లలు. అన్నదమ్ములుగా వారిద్దరి మధ్య పండిన కెమిస్ట్రీని చూసి ముచ్చటపడినవారు, మురిసిపోయినవారూ ఉన్నారు. అలాంటి అపూరూపమైన అనుబంధాన్ని పక్కన పెట్టి బద్ధ శత్రువులుగా మారిపోయారు రోహిత్-శౌర్యలు. ఎందుకలా జరిగింది, వీరిద్దరి మధ్య వైరం ఎందుకు వచ్చింది అనే వివరాల్లోకెళితే….

మహేష్ సూరపనేని అనే యువ దర్శకుడు తెరకెక్కిస్తున్న “కథలో రాజకుమారి” అనే చిత్రంలో నాగశౌర్య కథానాయకుడిగా నటిస్తుండగా, నారారోహిత్ మెయిన్ విలన్ గా నటిస్తున్నట్లు తెలుస్తోంది. కథానాయకి ఎవరనే విషయంలో ఇంకా క్లారిటీ లేని ఈ సినిమా షూటింగ్ ప్రస్తుతం హైద్రాబాద్ లో జరుగుతోంది. మరి అన్నదమ్ములుగా వీరి అనుబంధాన్ని చూసి అచ్చెరువుపోయిన ప్రేక్షకులు.. శత్రువులుగా వీరి పోరాటాల్ని చూడగలరా లేదా అనే విషయం తెలియాలంటే సినిమా విడుదలయ్యేవరకూ ఆగాల్సిందే!

Also, do SUBSCRIBE to our YouTube channel to get latest Tollywood updates.