నోరు జారిన శివ హర్ట్ అయిన బిందు..!

బిగ్ బాస్ హౌస్ లో మరోసారి నోరు జారాడు శివ. అయితే, ఈసారి తన ఫ్రెండ్ అయిన బిందు విషయంలోనే అవ్వడంతో సారీ చెప్తూ చాలాసేపు బిందుని బ్రతిమిలాడాడు. దీంతో మిస్టరీ బాక్స్ అనేది శివ కొంపముంచింది. అసలు టాస్క్ లో ఏం జరిగిందంటే., ముందు యాంకర్ రవి పెట్టిన టాస్క్ లో సూపర్ గా గేమ్ ఆడిన శివ మిస్టరీ బాక్స్ ని దక్కించుకున్నాడు. ఈసారి ఎవిక్షన్ ఫ్రీ పాస్ కి సంబంధించిన టాస్క్ లో కూడా ప్రాణం పెట్టి మరీ ఆడి ఫస్ట్ ర్యాంక్ తెచ్చుకున్నాడు. పార్టిసిపేట్ చేసిన మిగతా హౌస్ మేట్స్ ఎవరికీ కూడా ఒక్క పాయింట్ కూడా రాలేదు. తీరా, మిస్టరీ బాక్స్ తెరిచిన తర్వాత శివకి షాక్ తగిలింది. అందులో ఎవరితోనైనా స్వాప్ చేసుకోమని ఉంది. దీంతో తనకి వచ్చిన ర్యాంక్ వేరేవాళ్లకి ఇవ్వాల్సి వచ్చింది. యాంకర్ శివ బిందు పేరు చెప్పాడు. ముందు బిందు చాలా సంతోషించింది. అయితే, తర్వాత నోరుజారి నువ్వు అసలు పాయింట్స్ ఏమీ తెచ్చుకోలేకపోయావ్ అని, మూడు సార్లుగా టాస్క్ ఆడుతున్నా కూడా సరిగ్గా పాయింట్స్ రావట్లేదని, అందుకే ఈ పాస్ తీస్కుని పండగ చేస్కో అంటూ మాట్లాడాడు. దీంతో బిందు మాధవి హర్ట్ అయ్యింది. నేను టాస్క్ ఆడట్లేదని ఇండరైక్ట్ గా చెప్తున్నావా, ఫ్రెండ్షిప్ మీద ఇచ్చుంటే తీస్కునే దాన్ని కానీ, నువ్వు ఇన్ని మాటలు అన్నాక నాకు అక్కర్లేదని, బిగ్ బాస్ స్వాపింగ్ ని నేను ఇష్టపడటం లేదంటూ చెప్పింది.
తన ఫ్రెండ్ బిందు మాధవి హర్ట్ అయి ఈమాట అనగానే సారీ చెప్తూ శివ చాలాసేపు బిందుని బ్రతిమిలాడాడు. బిందు అస్సలు ఒప్పుకోలేదు. తర్వాత అఖిల్ వచ్చి , తనకి మాట్లాడటం రాదు కదా, ఈవిషయం నీకు తెలుసు కదా, నువ్వు అర్ధం చేసుకోలేకపోతే ఎలా అంటూ బిందుకి నచ్చజెప్పాడు. గెస్ట్ గా వచ్చిన యాంకర్ రవి ఇదంతా చూస్తూ ఉండిపోయాడు. అఖిల్ మాటలకి బిందు కొద్దిగా కన్విన్స్ అయినా కూడా శివని క్షమించలేదు. బాబాభాస్కర్ దగ్గరకి వెళ్లి వాడు ఇలా అనడం కరెక్టేనా అంటూ బాధపడింది. కొద్దిగా ఎమోషనల్ అయ్యింది.

నోరు జారిన శివ బిందుని బ్రతిమిలాడుతూనే ఉన్నాడు. నా ఉద్దేశ్యం నువ్వు గేమ్ ఆడట్లేదని కాదని, పాయింట్స్ ఏమీ రాలేదు కదా, నీకు ఇస్తే బాగుంటుందని మనస్పూర్తిగా ఇస్తున్నానని చెప్పాడు. చాలాసేపటి తర్వాత బిందు కొద్దిగా కన్విన్స్ అయ్యింది. దీంతో బిగ్ బాస్ ప్లాస్మా పైన పాయింట్ బిందుకి ఇచ్చాడు. దీంతో బిందు ఎవిక్షన్ ఫ్రీ పాస్ కోసం పోటీ పడే మూడో పోటీదారులుగా నిలిచింది. ఇప్పటికే బాబాభాస్కర్ మాస్టర్, అనిల్, ఈ పాస్ కోసం పోటీపడేందుకు అర్హత సాధించిన సంగతి తెలిసిందే. అదీ మేటర్.