పూరి, విజయ్ దేవరకొండ మూవీ టైటిల్ అదేనట..!

విజయ్ దేవరకొండ గత ఏడాది చేసిన ‘డియర్ కామ్రేడ్’ చిత్రం నిరాశ పరిచిన సంగతి తెలిసిందే. దీంతో ఈసారి ఎలాగైనా హిట్టు కొట్టాలని మంచి కసిగా సినిమాలు చేస్తున్నాడు మన రౌడీ హీరో. ఈ క్రమంలో ఇప్పటికే ‘వరల్డ్ ఫేమస్ లవర్’ చిత్రాన్ని కంప్లీట్ చేసాడు. క్రాంతి మాధవ్ డైరెక్షన్లో తెరకెక్కిన ఈ చిత్రం ‘వాలెంటైన్స్ డే’ రోజున అంటే ఫిబ్రవరి 14న విడుదల కాబోతుంది. ఇదిలా ఉండగా.. డాషింగ్ డైరెక్టర్ పూరి జగన్నాథ్ దర్శకత్వంలో కూడా విజయ్ దేవరకొండ ఓ చిత్రం చేస్తున్న సంగతి తెలిసిందే.

ఈ చిత్రంతో విజయ్ బాలీవుడ్ ఎంట్రీ ఇవ్వబోతున్నాడు. ఇక ఈ చిత్రానికి ‘ఫైటర్’ అనే టైటిల్ ఫిక్స్ చేసినట్టు గత కొంత కాలంగా వార్తలు వస్తున్న సంగతి తెలిసిందే. అయితే అది నిజంకాదని.. ఈ చిత్రానికి మరో టైటిల్ అనుకుంటున్నట్టు తెలుస్తుంది. ఈ టైటిల్ చాలా విచిత్రంగా కూడా ఉందట. అందుతున్న సమాచారం ప్రకారం.. ఆ టైటిల్ ‘లైగర్’ అని తెలుస్తుంది. ‘లయన్’ మరియు ‘టైగర్’ కలిసి వచ్చేలా ఇలా ‘లైగర్’ అని అనుకుంటున్నట్టు తెలుస్తుంది. పూరి తన సినిమాలకి ఎప్పుడూ కొత్త కొత్త పేర్లు పెడుతుంటాడన్న సంగతి తెలిసిందే. ఈసారి ఇలాంటి విచిత్రమైన టైటిల్ పెట్టాడన్నమాట. ఇక ఈ చిత్రంలో బాలీవుడ్ భామ అనన్య పాండే ను హీరోయిన్ గా అనుకుంటున్నట్టు సమాచారం.

Most Recommended Video

అల్లు అర్జున్ ఆస్తుల వివరాలు
ఎన్టీఆర్ ఆస్తుల వివరాలు