ఫ్యాన్స్ కోసం యాప్స్ మెయింటైన్ చేస్తున్న సినీ తారలు.!

సోషల్ మీడియా ద్వారా ఫ్యాన్స్ తో ఇంటరాక్ట్ అవుదామంటేనేమో అక్కడ ఫ్యాన్స్ ద్వారా అందుకొనే అభినందనలంటే యాంటీ ఫ్యాన్స్ కామెంట్స్ ను ఫేస్ చేయడానికే టైమ్ సరిపోవడంలేదు సెలబ్రిటీలకు. అందుకే కొందరు హీరోహీరోయిన్లు సొంత యాప్ లను క్రియేట్ చేయించుకొన్నారు. ఈ యాప్ ల ద్వారా తమ అభిమానులతో టచ్ లో ఉండడం మాత్రమే కాక తమ సినిమాలకి సంబంధించిన లేటెస్ట్ అప్డేట్స్, లైవ్ చాట్స్ కూడా ఈ యాప్ ద్వారా చేయాలనుకొంటున్నారు. ఈ సంస్కృతి బాలీవుడ్ లో మొదలైనప్పటికీ. ప్రస్తుతం మన టాలీవుడ్ స్టార్లు కూడా ఈ పద్ధతిని ఫాలో అవుతున్నారు. టాలీవుడ్ లో ఈ విధంగా సొంతంగా యాప్ ను క్రియేట్ చేయించుకొన్న మొట్టమొదటి హీరోయిన్ కాజల్ అగర్వాల్.

ఆ తర్వాత తమన్నా, రామ్ చరణ్, చిరంజీవి, ఎన్టీయార్ ల యాప్ కూడా వారి వారి అభిమానులు సిద్ధం చేశారు. తాజాగా ఆ లిస్ట్ లో రకుల్ ప్రీత్ సింగ్ కూడా చేరింది. నిన్న సాయంత్రం తన యాప్ ను ప్రారంభించుకుంది. ఈ యాప్ ద్వారా తన అభిమానులతో నిరంతరం టచ్ లో ఉండడమే కాక అందులో తన కొత్త ఫోటోషూట్ ఫోటోలు, సినిమా అప్డేట్స్, తన పర్సనల్ థాట్స్ కూడా షేర్ చేస్తుందట. ఆల్రెడీ బాలీవుడ్ హీరోయిన్లు ఊర్వశి రొటేలా, సన్నీలియోన్, కంగనా రనౌత్ లు ఈ పద్ధతి ద్వారా తమ ఫ్యాన్ బేస్ ను పెంచుకొంటున్నారు.