‘సైరా నరసింహారెడ్డి’ పై బన్నీ ఆసక్తికర కామెంట్స్..!

మెగాస్టార్ చిరంజీవి 151 వ చిత్రంగా ఎంతో ప్రతిష్టాత్మకంగా తెరకెక్కిన చిత్రం ‘సైరా నరసింహారెడ్డి’. మరో రెండు రోజుల్లో విడుదల కాబోతున్న ఈ చిత్రానికి ప్రమోషన్ల డోస్ పెంచారు చిత్ర యూనిట్ సభ్యులు. సురేందర్ రెడ్డి డైరెక్షన్లో తెరకెక్కిన ఈ చిత్రాన్ని 285 కోట్ల భారీ బడ్జెట్ తో మెగా పవర్ స్టార్ రాంచరణ్ నిర్మించాడు. ఇప్పటికే విడుదలైన టీజర్లు, ట్రైలర్లు సినిమా పై ఆసక్తిని మరింత పెంచాయి. ఇక సోషల్ మీడియాలో మెగా హీరోలతో పాటు మహేష్ బాబు వంటి వారు కూడా `సైరా` యూనిట్‌కు విషెస్ చెబుతున్నారు. అయితే ఒక్క అల్లు అర్జున్ మాత్రం ఇప్పటివరకూ స్పందించలేదు.

గతంలో చరణ్, బన్నీలతో ఉన్న విభేదాల వల్లే ‘సైరా’ ప్రీ-రిలీజ్ కు బన్నీ హాజరుకాలేదని వార్తలొస్తున్నాయి, మెగాస్టార్ పుట్టిన రోజున తప్ప బన్నీ ఇప్పటివరకూ ‘సైరా’ గురించి ఒక్క ట్వీట్ కూడా వేయలేదు. దీంతో మెగా అభిమానులు బన్నీ పై గుర్రుగా ఉన్నట్టు తెలుస్తుంది. గతంలో ‘చెప్పను బ్రదర్’ అంటూ పవన్ అభిమానులకి టార్గెట్ అయ్యాడు బన్నీ. ఇక ఎందుకొచ్చిన తలనొప్పిలే అనుకున్నాడేమో… ఎట్టకేలకు తన ట్విటర్ ఖాతాలో ‘సైరా’ గురించి ఓ లేఖను పోస్ట్ చేశాడు. ” ‘సైరా నర్సింహారెడ్డి’.. మన మెగాస్టార్ చిరంజీవిగారు నటించిన అత్యద్భుత చిత్రం. తెలుగు సినిమా పరిశ్రమ గర్వపడే క్షణం. చాలా కాలం క్రితం ‘మగధీర’ చూసినప్పుడు.. చిరంజీవిగారు కూడా అలాంటి భారీ సినిమాలో నటిస్తే బాగుంటుందనిపించింది. నా కల ఈ రోజు నెరవేరింది. మెగాస్టార్ చిరంజీవిగారితో ఇలాంటి గొప్ప చిత్రాన్ని నిర్మించిన నిర్మాత, నా బావ రామ్‌చరణ్‌కు ధన్యవాదాలు. ఒక తండ్రికి కుమారుడు ఇచ్చిన గొప్ప బహుమతి ఈ చిత్రం. ‘సైరా’ చిత్రబృందానికి శుభాకాంక్షలు. దర్శకుడు సురేందర్ రెడ్డిగారికి నా ప్రత్యేక అభినందనలు. ఈ సినిమా ప్రతీ ఒక్కరి హృదయాల్లో చిరస్థాయిగా నిలిచిపోవాలని కోరుకుంటున్నాను’ అంటూ బన్నీ ఆ లేఖలో పేర్కొన్నాడు.

గద్దలకొండ గణేష్ (వాల్మీకి) సినిమా రివ్యూ కోసం ఇక్కడ క్లిక్ చెయ్యండి
గ్యాంగ్‌ లీడర్ సినిమా రివ్యూ కోసం ఇక్కడ క్లిక్ చెయ్యండి