అఖిల్ కోసం కాకపోయినా అరవింద్ కోసం సరేనంది

అక్కినేని అందగాడు, నాగార్జున కొడుకు, నాగేశ్వర్రావు మనవడు.. ఇలా చెప్పుకుంటూ పోతే అఖిల్ కి చాలా ట్యాగ్స్ ఉన్నాయి. ఇంతటి భారీ సినిమా నేపధ్యం, భీభత్సమైన ఇండస్ట్రీ సపోర్ట్ ఉన్నప్పటికీ.. ఎందుకనో ఇప్పటివరకూ అఖిల్ హీరోగా సక్సెస్ సొంతం చేసుకోలేకపోయాడు. వరుసగా మూడు భారీ సినిమాలు చేసినా ఎందుకో ఇప్పటివరకూ విజయాన్ని మాత్రం అందుకోలేకపోయాడు. ఆఖరికి అఖిల్ పరిస్థితి ఎలా తయారయ్యిందంటే.. సినిమాలో ఎవరో ఒక స్టార్ హీరోయిన్ ఉంటే తప్ప సినిమాకి క్రేజ్ రాదేమో అని భయపడుతున్నారు. అందుకే.. గత కొన్ని రోజులుగా పూజా హెగ్డే ఈ సినిమాకి సైన్ చేస్తుందా లేదా అనే టెన్షన్ తో కొట్టుమిట్టాడాడు.

గీతా ఆర్ట్స్ బ్యానర్ లో తెరకెక్కుతున్న ఈ చిత్రానికి బొమ్మరిల్లు భాస్కర్ దర్శకుడు కాగా.. తొలుత రష్మిక మండన్న, కైరా అద్వానీలను అప్రోచ్ అయినా లాభం లేకపోయింది. పూజా హెగ్డేకి కూడా భారీ స్థాయిలో రెమ్యూనరేషన్ సమర్పించుకొంటే కానీ.. ఆమె ఈ సినిమాకి సైన్ చేయలేదు. మరి ఈ విపత్కర పరిస్థితి నుంచి అఖిల్ ఎప్పుడు బయటపడతాడో చూడాలి.

గ్యాంగ్‌ లీడర్ సినిమా రివ్యూ కోసం ఇక్కడ క్లిక్ చెయ్యండి
పహిల్వాన్ సినిమా రివ్యూ కోసం ఇక్కడ క్లిక్ చెయ్యండి