ఒకప్పుడు శ్రీను వైట్ల సినిమా అంటే మినిమం గ్యారెంటీ అనే ముద్ర ఉండేది. కానీ తరువాత ఆయన ఏ కథనైనా ఓకే రకంగా ట్రీట్ చేస్తున్నాడు అని… అతని డైరెక్షన్లో వచ్చే సినిమాల్ని ప్రేక్షకులు పట్టించుకోవడం మానేశారు. ‘ఆగడు’ చిత్రంతో మొదలైన డిజాస్టర్లు ‘బ్రూస్ లీ’ ‘మిస్టర్’ ‘అమర్ అక్బర్ ఆంటోని’ చిత్రాల వరకూ ఆగలేదు. ఇక తన దగ్గర పనిచేసిన కోన వెంకట్, గోపి మోహన్ లతో వివాదాలు పెట్టుకోవడం కూడా అతన్ని బాగా దెబ్బ తీశాయి.
ఇప్పుడు అవన్నీ పక్కన పెట్టేసి వారితో కలిసి పని చెయ్యాలి అని శ్రీను వైట్ల భావిస్తున్నాడట. 2007లో విడుదల అయిన ‘ఢీ’ సినిమా వచ్చి 13 ఏళ్లు పూర్తయ్యింది. ఇప్పుడు ఈ చిత్రానికి సీక్వెల్ ప్లాన్ చేస్తున్నాడు శ్రీను వైట్ల. ఇందుకోసం రైటర్స్ కోన వెంకట్ అలాగే గోపీ మోహన్ లతో కలిసి మళ్ళీ పని చెయ్యాలి అని శ్రీను వైట్ల భావిస్తున్నాడట. ఇటీవల కొన వెంకట్ కూడా ఓ ఇంటర్వ్యూ లో శ్రీను వైట్ల తో కలిసి పనిచెయ్యడానికి.. ఎటువంటి అభ్యంతరం లేదు అని చెప్పాడు.
ఇండస్ట్రీలో కొందరు పెద్దలు కూడా శ్రీను వైట్ల తో కోన వెంకట్, గోపీ మోహన్ లను కలపాలి అని ట్రై చేస్తున్నారని సమాచారం. వీరంతా కలిసి ‘ఢీ2’ చిత్రం స్క్రిప్ట్ పై పని చేయడానికి రెడీ అయ్యే అవకాశాలు ఎక్కువ ఉన్నాయట. ఇందులో కూడా విష్ణు హీరోగా నటించే అవకాశం ఉందని తెలుస్తుంది. అంతేకాదు ఈ చిత్రానికి అతను నిర్మాతగా కూడా వ్యవహరించనున్నట్టు సమాచారం.
Most Recommended Video
అత్యధిక టి.ఆర్.పి నమోదు చేసిన సినిమాల లిస్టు!
టాలీవుడ్ టాప్ హీరోల వరస్ట్ లుక్స్ ఇవే!
మన హీరోయిన్ల ఫ్యామిలీస్ సంబంధించి రేర్ పిక్స్!
