Nippu Ravva: ఆ రెండు తప్పుల వల్లే బాలయ్య ‘నిప్పురవ్వ’ నిరాశ మిగిల్చిందా!

యువరత్న నందమూరి బాలకృష్ణ – లేడీ సూపర్ స్టార్ విజయ శాంతిలది ఎంతటి క్రేజీ కాంబినేషనో తెలిసిందే.. వీరిది సూపర్ డూపర్ జోడీ.. ఈ ఇద్దరి కలయికలో వచ్చిన చిత్రాలు 99 శాతం సక్సెస్ అయ్యాయి.. కలిసి 17 సినిమాలు చేశారు.. వాటిలో రెండు తప్ప మిగతావన్నీ ఘన విజయం సాధించాయి.. కె. మురళీ మోహన్ రావు దర్శకత్వంలో బాలకృష్ణ – విజయశాంతి కలిసి మొదటిసారి ‘కథానాయకుడు’ సినిమాలో నటించారు. ఈ సినిమా అప్పట్లో సంచలన విజయం నమోదు చేసింది..

వీరిద్దరి జోడి మొదటి సినిమాతోనే హిట్ కావడంతో అక్కడి నుంచి విజయాల పరంపర మొదలైంది.. ‘పట్టాభిషేకం’, ‘ముద్దుల కృష్ణయ్య’, ‘దేశోద్దారకుడు’, ‘అపూర్వ సహోదరులు’, ‘ఇన్‌స్పెక్టర్ ప్రతాప్’, ‘భలేదొంగ’, ‘ముద్దుల మావయ్య’, ‘ముద్దుల మేనల్లుడు’, ‘లారీ డ్రైవర్’, ‘రౌడీ ఇన్‌స్పెక్టర్’ వంటి భారీ హిట్స్ ఈ జంట ఖాతాలో ఉన్నాయి.. అయితే ఇంత విజయ వంతంగా సాగిపోయిన బాలయ్య – విజయశాంతి జోడీ చివరిగా నటించిన ‘నిప్పురవ్వ’ మాత్రం అంచనాలను అందుకోలేకపోయింది.. దానికి రెండు కారణాలు చెప్తుంటారు.. అవేంటో ఇప్పుడు చూద్దాం..

బాలయ్యకి పలు హిట్స్ ఇచ్చిన ఎ. కోదండరామి రెడ్డి దర్శకత్వంలో.. యువరత్న ఆర్ట్స్ బ్యానర్ మీద ఎమ్.వి. శ్రీనివాస ప్రసాద్ దాదాపు రూ. 4 కోట్ల భారీ బడ్జెట్‌తో నిర్మించిన ‘నిప్పురవ్వ’ సింగరేణి బొగ్గు కార్మికుల నేపథ్యంలో తెరకెక్కింది.. సినిమా ప్రారంభోత్సవానికి మలయాళం సూపర్ స్టార్ మెహన్ లాల్ అతిథిగా విచ్చేశారు.. అయితే షూటింగ్ సమయంలో అనుకోకుండా జరిగిన ప్రమాదం కారణంగా కోర్టులో కేసు వేయడంతో.. చిత్రీకరణకు దాదాపు రెండేళ్ల సమయం పట్టింది..

దీంతో బాలయ్య ‘బంగారు బుల్లోడు’ తో పోటీ పడాల్సి వచ్చింది.. 1993 సెప్టెంబర్ 3న ఈ రెండు సినిమాలూ రిలీజ్ అయ్యాయి.. ‘బంగారు బుల్లోడు’ బ్లాక్ బస్టర్ కాగా.. ‘నిప్పురవ్వ’ నిరాశ మిగిల్చింది.. విజయ శాంతి కోసం సెకండ్ హాఫ్ స్క్రిప్ట్ మార్చడం.. అంతా కష్టపడి ‘బంగారు బుల్లోడు’ విడుదల రోజునే వదలడం వంటి రెండు కారణాలు ‘నిప్పురవ్వ’ కు కలిసి రాలేదు..

సార్ సినిమా రివ్యూ & రేటింగ్!
‘గజిని’ మూవీ మిస్ చేసుకున్న హీరోలు ఎవరంటే?

టాప్ 10 రెమ్యూనరేషన్ తెలుగు హీరోలు…ఎంతో తెలుసా ?
కళ్యాణ్ రామ్ నటించిన గత 10 సినిమాల బాక్సాఫీస్ పెర్ఫార్మన్స్ ఎలా ఉందంటే?