‘అఖండ’ విజయం తర్వాత… టాలీవుడ్‌లో ఇప్పుడు సినిమా ఘనవిజయం గురించే మాట్లాడుకుంటున్నారు. బాలయ్య నటన, బోయపాటి టేకింగ్‌, తమన్ సంగీతం… ఇలా వీటి గురించి చర్చలు, ప్రశంసలు. అయితే తాజాగా మరో రెండు అంశాలు చర్చకు వస్తున్నాయి. అందులో ఒకటి సీక్వెల్‌, మరొకటి రీమేక్‌. ఆ రెండు అంశాలు ఎంత ఇంట్రస్టింగ్‌గా ఉన్నాయో, ఇప్పుడు కొత్తగా వచ్చిన పాయింట్‌ వింటే అంతకుమించి అనిపిస్తుంది. ‘సింహా’, ‘లెజెండ్‌’, ‘అఖండ’తో హ్యాట్రిక్‌ కొట్టిన బాలకృష్ణ – బోయపాటి కాంబినేషన్‌లో మరో సినిమాకు రంగం సిద్ధం చేస్తున్నారట.
దీని గురించి ఇప్పటికే డిస్కషన్స్‌ పూర్తయి, అడ్వాన్స్‌లు ఇవ్వడం కూడా జరిగిపోయిందని సమాచారం. బాలయ్యతో సినిమా చేయాలని చాలా రోజుల నుండి చూస్తున్న సితార ఎంటర్‌టైన్మెంట్స్‌ ఈ సినిమా చేస్తోందట. దీని కోసం ఇటీవల బోయపాటికి అడ్వాన్స్‌ ఇచ్చి లాక్‌ చేసుకున్నారట. సితార ఎంటర్‌టైన్మెంట్స్‌కు బాలయ్య ఓ సినిమా చేయాల్సి ఉంది. దీని కోసం నిర్మాత నాగవంశీ చాలా రోజులుగా మంచి కథ కోసం చూస్తున్నారు.
ఇప్పుడు బోయపాటి అయితే వాళ్లు అనుకున్న సినిమా అవుతుందని ఫిక్స్‌ అయినట్లు ఉన్నారు. అయితే ఈ సినిమా ఎప్పుడు ఉంటుంది లాంటి వివరాలు తెలియడం లేదు. బోయపాటి – అల్లు అర్జున్ సినిమా తర్వాత ఈ సినిమా ఉండొచ్చు అని టాక్‌. ఈలోపు బాలయ్య… గోపీచంద్‌ మలినేని, అనిల్‌ రావిపూడి సినిమా చేసి సిద్ధంగా ఉంటారట.
Most Recommended Video
‘అఖండ’ మూవీ నుండీ గూజ్ బంప్స్ తెప్పించే 15 డైలాగ్స్..!
సిరివెన్నెల సీతారామశాస్త్రి గారి గురించి మనకు తెలియని విషయాలు..!
22 ఏళ్ళ రవితేజ ‘నీకోసం’ గురించి ఆసక్తికరమైన విషయాలు…!
Home
