శుక్రవారం వస్తుందంటే ప్రతి సినిమా అభిమానికి నూతనోత్సాహం వచ్చేస్తుంది. అయితే అన్నీ శుక్రవారాలు అలరించే విధంగా ఉండవు. కొన్ని ఆహ్లాదపరితే.. ఇంకొన్ని నీరసింపజేస్తాయి. అయితే.. చాలా రోజుల తర్వాత ఈ శుక్రవారం కాస్త పాజిటివ్ గా కనిపిస్తోంది. అందుకు కారణం ఈవారం విడుదలవుతున్న సినిమాలే. ఈ శుక్రవారం రాజశేఖర్ నటించిన “కల్కి” విడుదలవుతోంది. ఈ సినిమా టీజర్, ట్రైలర్, చూసిన తర్వాత సినిమా మీద విశేషమైన క్రేజ్ ఏర్పడింది. ఈ శుక్రవారం విడుదలవుతున్న చిత్రాన్ని భారీ క్రేజ్ ఉన్న సినిమా ఇదే. శ్రీవిష్ణు-నివేదా థామస్ నటించిన “బ్రోచేవారెవరురా” కూడా శుక్రవారం రేస్ లో నిలిచింది.
“మెంటల్ మదిలో” అనంతరం వివేక్ దర్శకత్వంలో తెరకెక్కిన సినిమా కావడంతో ఒక వర్గం ప్రేక్షకులు ఈ సినిమా కోసం వెయిట్ చేస్తున్నారు. ఈ రెండిటితోపాటు సాయికుమార్ కుమారుడు ఆది నటించిన “బుర్రకథ” ట్రైలర్ కూడా ఆసక్తికరంగా ఉంది. ఈ మూడు తెలుగు సినిమాలు కాకుండా హిందీ నుంచి కూడా ఆయుష్మాన్ ఖురానా నటించిన “ఆర్టికల్ 15” విడుదలవుతోంది. పరువు హత్యల నేపధ్యంలో తెరకెక్కిన ఈ చిత్రం మీద అన్నీ వర్గాల ప్రేక్షకులకు మంచి అంచనాలున్నాయి. అలాగే.. హాలీవుడ్ మోస్ట్ పాపులర్ హారర్ సిరీస్ అయిన “అన్నాబెల్లే” ఆఖరి సినిమా “అన్నా బెల్లే కమ్స్ హోమ్” కూడా ఈవారమే విడుదలవుతోంది. మరి ఈ అయిదు సినిమాల్లో ఏ సినిమా ఆడియన్స్ ను ఆకట్టుకొంటుందో చూడాలి.
