ఈ మధ్య కాలంలో యూట్యూబ్ స్టార్లు కూడా పాపులర్ అవుతున్న సంగతి తెలిసిందే. ముఖ్యంగా బుల్లితెర పై ఏదో ఒక షోలో అవకాశం దక్కించుకుంటూ వస్తున్నారు. ‘బిగ్ బాస్’ రియాలిటీ షోలో కూడా వీళ్ళు అవకాశాలు దక్కించుకుంటూ దూసుకుపోతున్న సందర్భాలను మనం చూస్తూనే వస్తున్నాం. టిక్ టాక్ దుర్గా రావు వంటి వాళ్ళు కూడా కొన్ని కామెడీ షోలలో అవకాశాలు దక్కించుకున్నారు. అయితే ఈ మధ్యకాలంలో వాళ్ళు ఏదో ఒక వివాదంలో చిక్కుకోవడం సంచలనంగా మారుతుంది. ఇప్పుడు కూడా అలాంటి సంఘటనే ఒకటి చోటు చేసుకుంది.
ఓ యూట్యూబ్ స్టార్ తన వీడియోలలో నటించే బాలికను చెల్లి చెల్లి అంటూ తిప్పుకుని కడుపు చేసి వదిలించుకోవాలని ప్రయత్నిస్తే.. పోలీసులు అరెస్ట్ చేసినట్టు సమాచారం. వివరాల్లోకి వెళితే.. యూట్యూబ్ స్టార్ భార్గవ్ ను తాజాగా దిశ పోలీసులు అరెస్ట్ చేశారట. పోక్సో చట్టం కింద ఇతని పై కేసు ఫైల్ చేసినట్టు తెలుస్తుంది. పోలీసులు ఇతన్ని అరెస్ట్ చేసి కోర్టులో హాజరుపరచగా.. జడ్జి గారు వచ్చే నెల వరకూ రిమాండ్ లో ఉంచాలని ఆదేశించారట. హైదరాబాద్ కు చెందిన భార్గవ్ యూట్యూబ్ ప్రేక్షకులకు సుపరిచితమే. ‘ఫన్ బకెట్’ అనే కామెడీ షోలో వీడియోలు చేస్తుంటాడు.’మిస్టర్ మజ్ను’ వంటి సినిమాలో కూడా నటించాడు.
టిక్ టాక్ ద్వారా ఇతను మరింత పాపులర్ అయ్యాడు. అయితే అది బ్యాన్ అవ్వడంతో మోజ్, రొపోసో వంటి యాప్ లలో కామెడీ వీడియోలు చేస్తూ ఫాలోవర్లను పెంచుకుంటున్నాడు. ఈ వీడియోలు చేస్తున్న క్రమంలో ఇతనికి పెందుర్తి కి చెందిన ఓ బాలిక పరిచయమయ్యింది. ఆమెను తన మాటలతో లొంగ దీసుకుని శారీరకంగా వాడుకుని గర్భవతిని చేసాడట. ఆమె పెళ్లి చేసుకోవాలని కోరగా ఇతను దూరం పెడుతున్నాడట. దాంతో ఆ బాలిక విశాఖ దిశ పోలీసులను ఆశ్రయించింది. అందుకే ఇతను అరెస్ట్ అయినట్టు స్పష్టమవుతుంది.
Most Recommended Video
‘పవన్ కళ్యాణ్’ హీరోగా రూపొందిన 11 రీమేక్ సినిమాలు మరియు వాటి ఫలితాలు..!
పెళ్లయ్యి కూడా పెళ్లి కానట్టు ఉండే 10 మంది టాలీవుడ్ భామల లిస్ట్..!
ఈ 10 మంది టాలీవుడ్ హీరోలకి బిరుదులు మార్చిన సినిమాల లిస్ట్..!
Home