దేవాలయాల నేపథ్యంలో ‘ఆచార్య’ సినిమా తెరకెక్కుతున్న విషయం తెలిసిందే. దీనిపై చిత్రబృందం అధికారికంగా సమాచారం ఇవ్వకపోయినా… ఇప్పటివరకు విడుదలైన ప్రచార చిత్రాలు, పాట చూస్తే అదే అర్థమవుతోంది. అయితే ఈ సినిమాలో నక్సలిజం బ్యాక్‌డ్రాప్‌లో కొన్ని సీన్స్‌ ఉన్నాయని తెలుస్తోంది. ఆ సన్నివేశాల్లో కీలక పాత్ర కోసం ‘ఆచార్య’ బృందం ప్రజాగాయకుడు గద్దర్‌ను సంప్రదించిందని వార్తలొచ్చాయి. అయితే ఇప్పుడు వేరే సినిమా కోసం ఆయనను సంప్రదించారట. ‘లూసిఫర్‌’ సినిమా రీమేక్‌గా చిరంజీవి ‘గాడ్‌ ఫాదర్‌’ అనే సినిమాను రూపొందిస్తున్న విషయం తెలిసిందే.
మోహన్‌రాజా దర్శకత్వంలో రూపొందుతున్న ఈ సినిమా చిత్రీకరణ ఇటీవల మొదలైంది. ఈ సినిమాలో కీలక సమయంలో హీరోను జైల్లో పెడతారు. ఆ సమయంలో జైల్లో హీరో… తన పాత కాలం మిత్రులతో మాట్లాడతారు. ఆయన వయసులో చాలా పెద్ద. ఆ పాత్రలో గద్దర్‌ కనిపిస్తారని బయట టాక్‌. అయితే కమర్షియల్‌ సినిమాల్లో గద్దర్‌ నటిస్తారా అనేది ఓ అనుమానం. ఎందుకంటే ఆయన ఉద్యమమే ఊపిరిగా బతుకుతున్న మనిషి. అలాంటిది గద్దర్‌ కమర్షియల్‌ సినిమాల్లో ఉంటారా అనేదే ప్రశ్న.
అయితే పాత్ర నచ్చితే చేసే అవకాశం ఉందనే వాదనలూ వినిపిస్తున్నాయి. ఒకవేళ గద్దర్‌ అంగీకరించకపోతే… అలాంటి అటైర్‌ ఉన్న మరో నటుడితో ఆ పాత్ర పూర్తి చేయించాలని చూస్తున్నారని భోగట్టా.
Most Recommended Video
చాలా డబ్బు వదులుకున్నారు కానీ ఈ 10 మంది యాడ్స్ లో నటించలేదు..!
గత 5 ఏళ్లలో టాలీవుడ్లో రూపొందిన సూపర్ హిట్ రీమేక్ లు ఇవే..!
రాజ రాజ చోర సినిమా రివ్యూ& రేటింగ్!
