Salman Khan: ‘సెల్మన్ భాయ్’ పై సల్మాన్ ఫైర్!

బాలీవుడ్ స్టార్ హీరో సల్మాన్ ఖాన్ కి ఉన్న క్రేజ్ గురించి తెలిసిందే. అభిమానులు ఆయన్ను ముద్దుగా సల్మాన్ భాయ్ అని పిలుచుకుంటూ ఉంటారు. అయితే కొన్ని సంవత్సరాల క్రితం ఆయనపై హిట్ అండ్ రన్ కేసు నమోదైన సంగతి తెలిసిందే. ఈ కాన్సెప్ట్ ఆధారంగా తయారైన వీడియో గేమ్ ‘సెల్మన్ భాయ్’. ఈ పేరు సల్మాన్ ని పోలి ఉందని.. అందులోని చిత్రాలు ఆయన్ను వ్యంగ్యంగా చూపిస్తున్నాయని.. గేమ్ డెవలపర్స్ పై సల్మాన్ గత నెల ఫిర్యాదు చేశాడు.

ఈ కేసును విచారించిన కోరు ‘సెల్మన్ భాయ్’ వీడియో గేమ్ ను తాత్కాలికంగా నిలిపివేయాలని తాజాగా ఆదేశించారు. దీనికి సంబంధించిన ఉత్తర్వులను సివిల్ కోర్టు జడ్జి కెఎం జైస్వాల్ సోమవారం జారీ చేయగా.. మంగళవారం నుంచి దాని కాపీ అందుబాటులోకి వచ్చింది. ఆ గేమ్ సల్మాన్ ఖాన్ హిట్ అండ్ రన్ కేసుకి పేరడీల ఉందని.. ప్రాథమిక విచారణలో తేలినట్లు ఆ ఉత్తర్వుల్లో తెలిపారు. కాబట్టి ఆ వీడియో గేమ్ ప్రమోషన్స్.. లాంచింగ్.. రీ లాంచింగ్ లలో సల్మాన్ ఖాన్ కి సంబంధించి ఎలాంటి విషయాలు లేకుండా నిషేధించారు.

అలాగే ఆ గేమ్ ని గూగుల్ ప్లే స్టోర్ లాంటి అన్ని ఫ్లాట్ ఫామ్ ల నుంచి తొలగించాలని గేమ్ డెవలపర్స్ పేరడీ స్టూడియోస్ ప్రైవేట్ లిమిటెడ్ కు ఆదేశాలు జారీ చేశారు. ఈ గేమ్ కి సంబంధించి సల్మాన్ ఎలాంటి అనుమతి ఇవ్వలేదని అందులో పేర్కొన్నారు. ఈ విషయమై సెప్టెంబర్‌ 20లోగా అఫిడవిట్‌ దాఖలు చేయాలని గేమ్‌ డెవలపర్స్‌కి కోర్టు ఆదేశాలు జారీ చేసింది.

Most Recommended Video

బిగ్‌ బాస్ 5 కంటెస్టెంట్స్ గురించి మీకు తెలియని ఆసక్తికరమైన విషయాలు!
తన 16 ఏళ్ల కెరీర్ లో అనుష్క రిజెక్ట్ చేసిన సినిమాల లిస్ట్..!
ఈ 15 సినిమాలకి సంగీతం ఒకరు.. నేపధ్య సంగీతం మరొకరు..!