Garikipati, Anushka: గరికపాటి రొమాంటిక్ కామెంట్ల వీడియోను షేర్ చేసిన వర్మ..!

October 14, 2022 / 12:39 AM ISTByFilmy Focus

Join Us

Garikipati, Anushka: గరికపాటి రొమాంటిక్ కామెంట్ల వీడియోను షేర్ చేసిన వర్మ..!

గరికపాటి నరసింహారావు అంటే జనాల్లో మంచి గౌరవం ఉండేది. ఇప్పుడు లేదు అని కాదు. ఆయన ప్రవచనాలను ఇష్టపడని వారంటూ ఉండరు. ఎంతో మంది మోటివేషన్ కోసం, ఆహ్లాదకరమైన వాతావరణం కోసం ఆయన ప్రవచనాలనే ఆశ్రయిస్తారు. అయితే ‘అలయ్ బలయ్’ ఈవెంట్ లో చిరంజీవి పై ఆయన మండిపడటంతో కొందరు మెగా అభిమానులకు ఆయన విలన్ గా మారిపోయారు. మెగా అభిమానులు మాత్రమే కాదు వారిని అడ్డం పెట్టుకుని.. గరికపాటి అంటే పడని వారు కూడా ఆయన్ని ట్రోల్ చేయడం మొదలుపెట్టారు.

ఈ లిస్ట్ లో దర్శకుడు రామ్ గోపాల్ వర్మ కూడా చేరినట్టు ట్విట్టర్ సాక్షిగా ప్రూవ్ అయ్యింది. గరికపాటిని విమర్శిస్తూ, మెగా అభిమానులను రెచ్చగొడుతూ వర్మ వరుస ట్వీట్లతో దండయాత్ర చేస్తున్నారు. ఈ క్రమంలో గరికపాటి పాత వీడియోలను కూడా షేర్ చేస్తున్నారు. గరికపాటి గతంలో స్టార్ హీరోయిన్ అనుష్క ను ఉద్దేశించి కొన్ని కామెంట్లు చేశారు. ఆ వీడియో కూడా ఇప్పుడు వైరల్ అవుతుంది. ఆ వీడియోలో గరికపాటి.. ” సినీ పరిశ్రమలో ఉండే హీరోయిన్లను కుర్రకారు తెగ చూస్తుంటారు.

అంతలా వారిలో ఏముందిలే అని నేను కూడా అనుకునేవాడిని.! ఒక రోజు నేను పేపర్ లో పొలిటికల్ న్యూస్ చదువుతుంటే.. మా అబ్బాయి వచ్చి నా కాళ్ల దగ్గర కూర్చున్నాడు. స్నానం చేశాడు కదా కాళ్లకు దండం పెట్టడానికి వచ్చాడేమో అనుకున్నా! ఏంట్రా అని అడిగితే.. ఠక్కున లేచి వెళ్లాడు. వాడు వెళ్ళాక చూస్తే.. అక్కడ అనుష్క ఫోటో ఉంది.

స్వతహాగా కవిని కాబట్టి.. నేను కూడా ఆ అమ్మాయిని ఎగాదిగా చూశాను. నన్నే ఆకర్షించింది అంటే.. ఇక వాడి లాంటి వాళ్ళను ఆకర్షించడం ఒక లెక్కా అనుకున్నా. నా ధోరణి నాది.. వాడి ధోరణి వాడిది” అంటూ పలు రొమాంటిక్ కామెంట్లు చేశారు గరికపాటి. ఈ వీడియోను వర్మ … “OHO !!! MEEKU KOODAANAAA BAHU(GARIKA)BALI(PATI) GAARU !” అంటూ చమత్కారంగా కామెంట్ పెట్టాడు.