90ల్లో హీరోయిన్ గా దక్షిణాది ప్రేక్షకులను అలరించిన గౌతమి కొన్నాళ్ల తర్వాత కాస్ట్యూమ్ డిజైనర్ గానూ మారారు. అయితే నటిగా చాలాకాలం విరామం తీసుకున్న గౌతమి ‘దృశ్యం’ రీమేక్ అయిన ‘పాపనాశం’ అనే తమిళ సినిమాతో మళ్ళీ తెరమీదికి వచ్చారు. తెలుగులోనూ ‘మనమంతా’ సినిమాతో మెప్పించిన ఈ నటీమణి ప్రస్తుతం వస్తున్న అవకాశాలను అందిపుచ్చుకుంటున్నారు. తన కెరీర్ చూసుకుంటూనే కుమార్తె కెరీర్ ని ఆరంభించే పనుల్లో పడ్డారట ఈ సీనియర్ నటీమణి.
తమిళ సినిమాతో కుమార్తె సుబ్బులక్ష్మిని తెరకు పరిచయం చేసేందుకు సన్నాహాలు చేస్తున్నారట గౌతమి. ఇప్పటికే పలువురు దర్శకులు, హీరోలతో చర్చలు జరిపిన తెలుగింటి ఆడపడుచు బయటకు మాత్రం ఈ విషయాలు పొక్కకుండా జాగ్రత్త పడుతోందిట. ధనుష్ హీరోగా తెరకెక్కనున్న ‘వీఐపీ 2’ సహా శివకార్తికేయన్ సరసన మరో సినిమాలో సుబ్బులక్ష్మి నటించనున్నట్టు కోలీవుడ్ వర్గాలు చెబుతుండగా గౌతమి మాత్రం తన కుమార్తె ఇంకా టీనేజ్ అమ్మయేనని, ఇప్పుడప్పుడే సినిమాలేంటని.. నవ్వుతూ బదులిస్తున్నారు. ఈ మేటర్ ఎటు టర్న్ అవుతుందో..!
Also, do SUBSCRIBE to our YouTube channel to get latest Tollywood updates.
