‘గౌతమి పుత్ర శాతకర్ణి’ 4 డేస్ కలెక్షన్స్

గౌతమి పుత్ర శాతకర్ణిగా నటసింహ నందమూరి బాలకృష్ణ తన వీర ఖడ్గంతో శత్రువుల తలలను నరుకుతుంటే.. ఈ చిత్రం మాత్రం బాక్స్ ఆఫీస్ రికార్డులన్నింటినీ చీల్చి చెండాడుతోంది. క్రిష్ దర్శకత్వంలో వచ్చిన బాలయ్య వందో చిత్రం జనవరి 12 న విడుదలై కలక్షన్ల సునామీ సృష్టిస్తోంది. ఫస్ట్ రోజే తెలుగు రాష్ట్రాల్లో 18 కోట్లు వసూల్ చేయగా, విదేశాల్లో 7 కోట్లను రాబట్టింది. రెండో రోజు ఇక్కడ, ఓవర్సీస్ లో కలుపుకొని పాతిక కోట్ల గ్రాస్ సొంతం చేసుకుంది. అత్యంత వేగంగా 50 కోట్ల క్లబ్ లో చేరిన ఈ సినిమా బాలకృష్ణకు మరుపురాని చిత్రం గా నిలిచింది. ఆయన కెరీర్ లో రెండు రోజుల్లో ఈ మార్క్ ని క్రాస్ చేసిన తొలి చిత్రం ఇదే.

మూడవరోజు కూడా ఇదే హవా కొనసాగించింది. ప్రపంచవ్యాప్తంగా 25 కోట్లను వసూలు చేసింది. నాలుగో రోజైన ఆదివారం థియేటర్లు తగ్గడంతో 17. 35 కోట్లకు పరిమితమయింది. ఇలా నాలుగు రోజుల్లో ప్రపంచవ్యాప్తంగా 91 . 35 కోట్లు వసూలు చేసి నందమూరి హీరోల దమ్ము చూపించింది. ఈ రోజుతో ‘గౌతమి పుత్ర శాతకర్ణి’  వందకోట్ల క్లబ్ లో చేరడం ఖాయమని ట్రేడ్ వర్గాల వారు చెబుతున్నారు. సో వందో చిత్రం వంద కోట్ల పండుగను చేసుకొనేందుకు నందమూరి అభిమానులు రెడీ గా ఉన్నారు.

Also, do SUBSCRIBE to our YouTube channel to get latest Tollywood updates.