‘గౌతమి పుత్ర శాతకర్ణి’ రిలీజ్ డేట్..?

గౌతమి పుత్ర శాతకర్ణి జీవిత చరిత్ర ఆధారంగా బాలకృష్ణ 100వ చిత్రం తెరకెక్కుతోంది. క్రిష్ జాగర్లమూడి దర్శకత్వంలో రూపుదిద్దుకుంటున్న ఈ చిత్రం,.. మే 9 నుంచి మొరాకో మొదటి షెడ్యూల్ ప్రారంభం కానుంది.

ఈ చిత్రానికి సంబంధించిన షూటింగ్, పోస్ట్ ప్రొడక్షన్ కార్యక్రమాలను శరవేగంగా పూర్తి చేసి వచ్చే ఏడాది సంక్రాంతి కానుకగా జనవరి 12 న విడుదల చేయడానికి క్రిష్ సుముఖంగా ఉన్నాడని ఫిల్మ్ నగర్ టాక్. మరోవైపు ఇప్పటికే దేవి శ్రీ ప్రసాద్ ఈ చిత్రానికి బాణీలు కట్టడంలో బిజీగా ఉన్నాడు. ఫస్ట్ ఫ్రేమ్ ఎంటర్టైన్మెంట్స్ పతాకం పై సాయి బాబు, రాజీవ్ రెడ్డిలు సంయుక్తంగా ఈ చిత్రాన్ని తెరకెక్కిస్తున్నారు. ఈ
చిత్రం సంక్రాంతికి విడుదలైతే మాత్రం చిరు నటిస్తున్న 150 వ చిత్రంతో బాక్సాఫీస్ వద్ద పోటీ పడే అవకాశం ఉంది.