విక్రమ్ తో డౌట్.. సూర్యతో పక్కా..!

కమల్ హాసన్, శరత్ కుమార్, సూర్య, అజిత్ తదితర అగ్ర హీరోలందరితోను సినిమాలు చేసిన గౌతమ్ మీనన్ సూపర్ స్టార్ రజనీకాంత్, విలక్షణ నటుడు విక్రమ్ లతో సినిమా చేయనే లేదు. రజనీ పక్కా మాస్.. గౌతమ్ మీనన్ ఫుల్ క్లాస్ గనక ఈ కాంబినేషన్ కుదరదు. కానీ విక్రమ్ తో సినిమా చేసే అవకాశముంది. ఇటీవల వీరిద్దరిలో కలయికలో ఓ చిత్రం రూపుదిద్దుకోనుందని గుసగుసలు కూడా వ్యాపించాయి. ఇదే విషయాన్నీ ఈ దర్శకుడి ముందుంచగా “విక్రమ్ తో సినిమా చర్చల దశలో ఉంది. దాని గురించి ఇప్పుడే ఏమీ చెప్పలేను” అంటూ మరో కొత్త విషయాన్ని బయటపెట్టాడు.

‘కాక్క కాక్క’ సినిమాతో సూర్యకు సాలిడ్ హిట్ ఇచ్చాడు గౌతమ్ మీనన్. ఈ సినిమా సూర్యకు తమిళనాట ఫ్యాన్ ఫాలోయింగ్ ని రెట్టింపు చేసింది. దీని తర్వాత సూర్య – గౌతమ్ మీనన్ కలయికలో వచ్చిన ‘వారణం ఆయిరం’ (తెలుగులో సూర్య S/o కృష్ణన్) రాగా అదీ బిగ్గెస్ట్ హిట్ గా నిలిచింది. ఈ సినిమాలో తండ్రి కొడుకుల మధ్య వచ్చే సన్నివేశాలు గౌతమ్ మీనన్, అయన తండ్రికి సంబంధించినవే. మొన్న నవంబర్ 14తో ఈ సినిమా ఎనిమిదేళ్లు పూర్తి చేసుకుంది.

ఈ రెండు సూపర్ హిట్ సినిమాల తర్వాత వీరిద్దరి కాంబినేషన్ లో మరో సినిమా రానున్నట్టు గౌతమ్ మీనన్ స్పష్టం చేశారు. అయితే పోలీస్ డ్రామా, లేదా లవ్ స్టోరీస్ తెరకెక్కించే ఈ దర్శకడు సూర్యతో ఆ రెండు జోనర్స్ లోను సినిమాలు చేసేశాడు. ఇప్పుడు చేయనున్న సినిమా ఎలా ఉండనుందో మరి. పోతే ప్రస్తుతం ‘సింగం’ పనులు పూర్తి చేసి, విగ్నేష్ శివన్ దర్శకత్వం వహిస్తున్న ‘తానా సెరిందా కూట్టం’ సినిమా చేస్తున్న సూర్య ఈ సినిమా షూటింగ్ ముగియగానే గౌతమ్ మీనన్ సినిమా మొదలెట్టే అవకాశం ఉంది. ఈలోపు ప్రస్తుతం సెట్స్ పై ఉన్న ధనుష్ సినిమా పూర్తి చేసి తమిళ, తెలుగు, మలయాళ, కన్నడ భాషల్లో ఓ సినిమా చేయడానికి గౌతమ్ సన్నాహాలు చేసుకుంటున్నారు.

Also, do SUBSCRIBE to our YouTube channel to get latest Tollywood updates.