‘పెళ్ళి చూపులు’ ఈ ఏడాది తెలుగు సినిమాలో సంచనలం సృష్టించిన సినిమా. కోటిన్నర వ్యయంతో రూపొందిన ఈ సినిమా 20 కోట్లకు పైగా కలెక్ట్ చేసింది. అందుకనే ఈ సినిమాని చిన్న సినిమాల్లో ‘బాహుబలి’గా కీర్తించారు సినీ జనాలు. ఇంతవరకూ వచ్చాక ఇతర భాషా దర్శక నిర్మాతల కళ్ళు పడకుండా ఉంటాయా..? మిగిలిన భాషల్లో ఈ వ్యవహారం ఏ దశలో ఉన్నా తమిళంలో మాత్రం ఓ కొలిక్కి వచ్చేసింది.
తమిళనాట అగ్ర దర్శకులలో ఒకరైన గౌతమ్ మీనన్ ఈ సినిమా తమిళ రీమేక్ రైట్స్ దక్కించుకున్నారని ఇండస్ట్రీ వర్గాల సమాచారం. అయితే ఈ సినిమాకి గౌతమ్ మీనన్ దర్శకత్వం వహిస్తారా లేదా అన్నది ప్రస్తుతానికి ప్రశ్నార్థకంగానే ఉంది. ఎందుకంటే గౌతమ్ మీనన్ ఏక కాలంలో ఒకే కథతో రెండు మూడు భాషల్లో సినిమాలు చేసేరకం. అందుకని తనకు నచ్చిన కథలను తెరకెక్కించడానికి తన సహాయకులనే దర్శకులుగా మార్చేస్తుంటారు. ఈ సినిమాకీ అదే జరిగొచ్చని కోలీవుడ్ టాక్.
Home