‘బిగ్ బాస్’ గురించి షాకింగ్ నిజాలు..!

తెలుగు నాట ‘బిగ్ బాస్’ బాగా పాపులర్ అయ్యింది. ఇప్పటికే సీజన్ 1, సీజన్ 2 లు సక్సెస్ ఫుల్ గా ముగిసాయి. జూలై 21 నుండీ ‘బిగ్ బాస్3’ మొదలు కానుంది. నాగార్జున హోస్ట్ చేయబోతున్న ఈ షో కు సంబంధించి హౌస్ మేట్స్ లిస్ట్ ను ఇంకా ప్రకటించలేదు. ఇదిలా ఉంటే.. ‘బిగ్ బాస్’ పై రకరకల ఆరోపణలొస్తున్నాయి. ఇటీవలె సీనియర్ జర్నలిస్ట్ శ్వేతా రెడ్డి ‘బిగ్ బాస్ షో’ పై చేసిన కామెంట్లు పెద్ద దుమారమే లేపాయి. కంటెస్టెంట్స్ ఎంపికల విషయంలో జరుగుతున్న సంఘటనల గురించి మీడియా ముందుకొచ్చి ఆసక్తికర విషయాల్ని తెలుపుకొచ్చింది.

‘నాకు ఈ షోలో ఆఫర్ వచ్చింది.. ‘అయితే నువ్వు బిగ్ బాస్ ను ఎలా ఇంప్రెస్ చేస్తావంటూ’.. ప్రశ్నించారు. ‘క్యాస్టింగ్ కౌచ్’ కు ఇది పక్కా నిదర్శనం. చాలా వరకూ బ్రోతల్ హౌస్ నడుపుతున్నారని నాకు అర్ధమైంది. అందుకే బయటకు వచ్చేసాను. దీని పై మహిళా సంఘాలను పోగుచేసి కచ్చితంగా పోరాటం చేస్తాను అంటూ చెప్పుకొచ్చింది. ఇది జరిగిన వెంటనే ‘ఫిదా ఫేం’.. గాయత్రి గుప్తా కూడా ‘బిగ్ బాస్’ షో పై షాకింగ్ కామెంట్స్ చేసింది. ‘నాకు ‘బిగ్ బాస్-2’ లో ఆఫర్ వచ్చింది. నేను ఇంటర్వ్యూకు కూడా వెళ్ళాను.

అయితే అక్కడ ‘వంద రోజులు సెక్స్ కు దూరంగా ఉండగలవా? వంద రోజుల పాటు సెక్స్ ను ఎలా మేనేజ్ చేస్తావంటూ’ నన్ను ప్రశ్నించారు. అందుకే ‘బిగ్ బాస్2′ లో పార్టిసిపేట్ చేయలేదు. అంతేకాదు ‘‘బిగ్ బాస్’ ఆఫర్ క్యాన్సిల్ అయిన తర్వాత హౌస్ లోకి వెళ్ళిన నా ఫ్రెండ్స్ ను హౌస్ లో ఎలా ఉంటుంది..? లోపల ఏం జరుగుతుంది..? అని అడిగాను. అందుకు వాళ్ళు.. ‘క్యాన్సిల్ అయ్యిందే మంచిదైంది. అక్కడ ఏం జరిగిందో అది ప్రసారం చేయరు.. వాళ్ళు ఏం చూపించాలనుకుంటున్నారో అదే ప్లే చేస్తారు. నువ్వు ఎలా ఉన్నావో అది బయటకు వస్తుందన్న గ్యారెంటీ లేదు” అని చెప్పారు…. అంటూ చెప్పుకొచ్చింది గాయత్రి గుప్తా..!