హిట్ సినిమా ఎక్కడుంటే.. అక్కడ అల్లు అరవింద్ ఉంటారు అని అటుంటారు ఇండస్ట్రీలో. అంటే ఏదైనా సినిమా విజయం సాధించగానే ఆ టీమ్‌ను ప్రశంసించడానికి ఆయన ముందుకొస్తారు అనేది ఆ మాటకు అర్థం. అయితే దీంతోపాటు మరో విషయంలోనూ ఆయన హిట్ సినిమాల వైపు చూస్తుంటారు అని తెలుస్తోంది. అదే హిట్ సినిమాకు దర్శకత్వం వహించిన డైరక్టర్‌ను లాక్‌ చేయడంలో. తాజాగా టాలీవుడ్‌లో విజయాలు సాధించిన దర్శకుల నెక్స్ట్‌ సినిమాలు గీతా ఆర్ట్స్‌లో వచ్చేలా ఆయన ఏర్పాట్లు చేస్తున్నారట.
ఏదైనా సినిమా విడుదల అవుతోంది అంటే.. దాని ఫలితం చూడటం, వెంటనే ఆ దర్శకుడి అడ్వాన్స్‌లు ఇవ్వడం అల్లు అరవింద్‌కి అలవాటు. అలా తాజాగా ఆయన ఇద్దరు కుర్ర దర్శకులను లాక్‌ చేశారని తెలుస్తోంది. ‘బింబిసార’తో కల్యాణ్‌రామ్‌ మళ్లీ హిట్ ఇచ్చిన మల్లిడి వేణు నెక్స్ట్‌ సినిమా గీతా ఆర్ట్స్‌లోనే అని తెలుస్తోంది. అలాగే నిఖిల్‌కు మోస్ట్‌ వాంటెడ్‌ విజయం అందించిన చందూ మొండేటి కూడా తర్వాతి సినిమాను అల్లు అరవింద్ బ్యానర్‌లోనే చేస్తారని టాక్‌.
నిజానికి మల్లిడి వశిష్ట్‌ దర్శకుడిగా తొలి సినిమాను గీతా ఆర్ట్స్‌లోనే చేయాలి. అల్లు శిరీష్‌ హీరోగా గతంలో ఓ సినిమా అనుకున్నారు. తొలుత ఆ సినిమా నిర్మాత వేరే అనుకున్నా, ఆ తర్వాత గీతా ఆర్ట్స్‌లో చేస్తారు అనే మాట వినిపించింది. కానీ ఆ సినిమా వర్కౌట్‌ కాలేదు. ఇప్పుడు ‘బింబిసార’ తర్వాత మల్లిడి వశిష్ట గీతా ఆర్ట్స్‌లోకి వస్తున్నారని టాక్‌. ఓ పెద్ద హీరోతోనే చందు మొండేటి సినిమా ఉంటుందని టాక్‌. మల్లిడి వశిష్ట్‌ సంగతి కూడా ఇంచుమించు ఇంతే అంటున్నారు.
మరోవైపు ఈ ఇద్దరు దర్శకుల గురించి మైత్రీ మూవీ మేకర్స్‌ ప్రయత్నాలు చేస్తోందని వార్తలొస్తున్నాయి. చందు మొండేటి ఇప్పటికే ఆ సంస్థలో ‘సవ్యసాచి’ చేశారు. కానీ ఆ సినిమా వర్కౌట్‌ కాలేదు. మరి రెండో అవకాశం ఇస్తారా, వస్తుందా అనేది చూడాలి. మల్లిడి వశిష్టతో సినిమా అంటే ‘బింబిసార 2’ తర్వాతే వస్తుంది. చందు మొండేటి అయితే ‘కార్తికేయ 3’ కంటే ముందు వేరే సినిమా చేద్దాం అని అనుకుంటున్నారట.
Most Recommended Video
తరుణ్,ఎన్టీఆర్ టు కళ్యాణ్ రామ్.. సినిమాల్లో చనిపోయే పాత్రలు చేసిన స్టార్లు..!
చేయని తప్పుకి శాస్త్రవేత్తపై దేశద్రోహి కేసు..!
క్రేజీ ప్రాజెక్టులు పట్టేసిన 10 మంది కొత్త డైరెక్టర్లు.. హిట్లు కొడతారా?
Home