Raj Kundra: నటి షెర్లిన్ పై గెహనా ఘాటు వ్యాఖ్యలు!

September 29, 2021 / 10:56 AM ISTByFilmy Focus

Join Us

Raj Kundra: నటి షెర్లిన్ పై గెహనా ఘాటు వ్యాఖ్యలు!

పోర్నోగ్రఫీ కేసులో ప్రముఖ వ్యాపారవేత్త, శిల్పాశెట్టి భర్త రాజ్ కుంద్రాను పోలీసులు అరెస్ట్ చేసిన సంగతి తెలిసిందే. రాజ్ కుంద్రాతో సంబంధాలు కలిగి ఉన్నారని నటి గెహనా వశిష్ట్ ను కూడా అదుపులోకి తీసుకున్నారు. 133 రోజులు కస్టడీలో ఉన్న అనంతరం ఆమెకి కోర్టు బెయిల్ మంజూరు చేసింది. అయితే తాజాగా శిల్పా శెట్టి దంపతులకు సపోర్ట్ చేస్తూ.. సంచలన కామెంట్స్ చేసింది గెహనా. మీడియా దృష్టిని ఆకర్షించి.. రోజూ వార్తల్లో నిలిచేందుకు షెర్లిన్ చోప్రా..

శిల్పాశెట్టి దంపతుల పరువు భంగం కలిగేలా మాట్లాడుతుందని ఓ ఇంటర్వ్యూలో గెహనా విమర్శించింది. అసలు బిజినెస్ మెన్ రాజ్ కుంద్రాను నీలి చిత్రాలు తీసేలా పురికొల్పింది షెర్లిన్ చోప్రానే అని ఆరోపించింది గెహనా. రాజ్ కుంద్రా జైలు నుంచి వచ్చిన తరువాత ఆమెను అందరూ మర్చిపోయారని గుర్తించి ఇలాంటి ఆరోపణలు చేస్తున్నట్లు మండిపడింది. షెర్లిన్ చోప్రా కోట్లాది రూపాయలు ఆర్జించేందుకు రాజ్ కుంద్రా ఎంతో సాయపడ్డారని.. ఆయన క్రియేట్ చేసి ఆర్మ్‌స్ప్రైమ్ యాప్ ద్వారా ఈ స్థాయికి వచ్చిన ఆమె కుంద్రాకి రుణపడి ఉండాలని చెప్పింది.

ఆమె వల్లే ఆయన ఈ ఊబిలో కూరిపోయారని.. నిజానికి 2012 నుంచే షెర్లిన్ బోల్డ్ కంటెంట్ సినిమాలు చేస్తోందని కామెంట్స్ చేసింది. వారిద్దరూ పరిచయమై కేవలం రెండున్నరేళ్లు మాత్రమేనని చెప్పుకొచ్చింది.