Genelia: హీరోయిన్ జెనీలియాకు బన్నీ నచ్చజెప్పారా?

బొమ్మరిల్లు భాస్కర్ డైరెక్షన్ లో తెరకెక్కిన బొమ్మరిల్లు సినిమా బ్లాక్ బస్టర్ హిట్ గా నిలిచింది. ఆ సినిమాలోని హాసిని పాత్రను ప్రేక్షకులు తేలికగా మరిచిపోలేరు. అయితే బొమ్మరిల్లు భాస్కర్ తాజాగా ఒక సందర్భంలో బొమ్మరిల్లు సినిమా గురించి ఆసక్తికర విషయాలను వెల్లడించారు. షూటింగ్ మొదలుపెట్టిన రోజే జెనీలియా అసహనానికి గురయ్యారని సినిమా చేయనని చెప్పారని భాస్కర్ చెప్పుకొచ్చారు. మొదటిరోజు అర్ధరాత్రి ఇంట్లోనుంచి హీరోహీరోయిన్ పారిపోయి వచ్చి ఐస్ క్రీమ్ తినే సీన్ ను ప్లాన్ చేశామని ఆ సీన్ లో కేవలం రెండు డైలాగులు మాత్రమే ఉంటాయని

అయితే ఆ సీన్ ఓకే కావడానికి 35 టేకులు తీసుకోవాల్సి వచ్చిందని బొమ్మరిల్లు భాస్కర్ తెలిపారు. కేవలం రెండు డైలాగులు ఉన్న సీన్ కోసం రాత్రంతా షూట్ చేయడంతో జెనీలియా ఆ సీన్ చేయనని చెప్పారని బొమ్మరిల్లు భాస్కర్ చెప్పుకొచ్చారు. ఆ సమయంలో సెట్ లో అల్లు అర్జున్ ఉన్నారని అల్లు అర్జున్ జెనీలియా దగ్గరకు వెళ్లి భాస్కర్ మంచి డైరెక్టర్ అని ఒక్కరోజులో భాస్కర్ పనితనాన్ని డిసైడ్ చేయవద్దని చెప్పడంతో జెనీలియా ఆ సినిమాలో నటించారని బొమ్మరిల్లు భాస్కర్ అన్నారు.

ఆ తర్వాత తాను, జెనీలియా మంచి ఫ్రెండ్స్ అయ్యామని భాస్కర్ వెల్లడించారు. బొమ్మరిల్లు సినిమాలోని హాసిని పాత్రకు జెనీలియా పూర్తి న్యాయం చేశారనే సంగతి తెలిసిందే. హాసిని పాత్రకు జెనీలియా మినహా మరో నటిని ఊహించుకోలేమని ప్రేక్షకులు అభిప్రాయపడుతున్నారు. ఈ సినిమా తర్వాత బొమ్మరిల్లు భాస్కర్ జెనీలియా కాంబినేషన్ లో ఆరెంజ్ సినిమా కూడా తెరకెక్కింది.

Most Recommended Video

చాలా డబ్బు వదులుకున్నారు కానీ ఈ 10 మంది యాడ్స్ లో నటించలేదు..!
గత 5 ఏళ్లలో టాలీవుడ్లో రూపొందిన సూపర్ హిట్ రీమేక్ లు ఇవే..!
రాజ రాజ చోర సినిమా రివ్యూ& రేటింగ్!