మంత్రి హోదాలో ఉన్న రోజా.. మెగాబ్రదర్స్ పై చేసిన కామెంట్స్ వివాదాస్పదంగా మారాయి. పవన్ కళ్యాణ్‌తో పాటు చిరంజీవి, నాగబాబులపై కూడా మండిపడింది రోజా. చిరు, పవన్, నాగబాబులను జనం ఓడించారంటే వారికి రాజకీయ భవిష్యత్తు లేదనే విషయం అర్థమవుతుందని.. సాధారణంగా సినీ నటులు సెన్సిటివ్‌గా ఉంటారని.. అందరికీ సాయం చేస్తారు కానీ.. వీళ్లు మాత్రం అందుకు భిన్నమని రోజా విమర్శలు గుప్పించింది. ఇక చిరంజీవి ఓడిపోయిన విషయాన్ని గుర్తు చేస్తూ.. పవన్ కళ్యాణ్‌ని చంద్రబాబు దత్తపుత్రుడని.. ప్యాకేజీ స్టార్ అని ఘాటు వ్యాఖ్యలు చేసింది.
ఈ విషయంలో మెగాఫ్యాన్స్ రోజాపై మండిపడుతున్నారు. పవన్ కళ్యాణ్ అంటే ప్రత్యర్థి కాబట్టి విమర్శించినా అర్ధం ఉందని.. కానీ చిరంజీవి ఏం చేశారు..? ఆయన సేవా గుణం గురించి విమర్శించే అర్హత రోజాకి ఉందా..? అంటూ సోషల్ మీడియా వేదికగా ఫైర్ అవుతున్నారు. ఇప్పటికే ఈ విషయంపై నాగబాబు రియాక్ట్ అయ్యారు. ఇప్పుడు ‘జబర్దస్త్’ కమెడియన్ గెటప్ శ్రీను రోజాని హెచ్చరిస్తూ ఓ పోస్ట్ పెట్టారు. ”చిరంజీవి గారి సేవా గుణం..
దాన గుణం.. తెరిచిన పుస్తకం.. ఆయన ఒక స్ఫూర్తి.. మరి మీకెందుకు కనపడలేదో..? రోజాగారు ఒక్కసారి ఆత్మపరిశీలన చేస్కోండి. మీ ఉనికి కోసం.. ఆయన మీద విమర్శలు చేసి ప్రజల్లో మీమీదున్న గౌరవాన్ని కోల్పోకండి.. మీ నోటనుండి ఇంత పచ్చి అబద్దాన్ని వినాల్సివస్తుందని అనుకోనేలేదు.. దయచేసి మీ వ్యాఖ్యల్ని వెనక్కి తీస్కోండి ఇట్టు చిరంజీవి అభిమాని” అంటూ పోస్ట్ పెట్టారు గెటప్ శ్రీను.
‘జబర్దస్త్’ షోలో రోజా జడ్జిగా ఉన్నప్పుడు గెటప్ శ్రీను చాలా స్కిట్స్ చేశారు. మంత్రి అయిన తరువాత రోజా జబర్దస్త్ షో నుంచి బయటకు వచ్చిన సంగతి తెలిసిందే. ఎంత జబర్దస్త్ జడ్జి అయినా.. తన అభిమాన హీరోని అన్నేసి మాటలంటే ఊరుకునేది లేదన్నట్లుగా రోజాకి సోషల్ మీడియా వేదికగా కౌంటర్ ఇచ్చారు గెటప్ శ్రీను.
8 సార్లు ఇంటర్నేషనల్ అవార్డ్స్ తో తెలుగు సినిమా సత్తాను ప్రపంచవ్యాప్తంగా చాటిన రాజమౌళి!
2022 విషాదాలు: ఈ ఏడాది కన్నుమూసిన టాలీవుడ్ సెలబ్రటీల లిస్ట్..!
రోజా టు త్రిష.. అప్పట్లో సంచలనం సృష్టించిన 10 మంది హీరోయిన్ల ఫోటోలు, వీడియోలు..!
హిట్-ప్లాప్స్ తో సంబంధం లేకుండా అత్యధిక వసూళ్లు సాధించిన పది రవితేజ సినిమాలు!
