యంగ్ టైగర్ ఎన్టీఆర్, రామ్ చరణ్ కాంబినేషన్ లో అపజయమెరుగని దర్శకుడు రాజమౌళి దర్శకత్వంలో తెరకెక్కుతున్న ఆర్ఆర్ఆర్ సినిమాపై భారీ స్థాయిలో అంచనాలు నెలకొన్న సంగతి తెలిసిందే. ఇప్పటికే రిలీజైన రెండు టీజర్లు సినిమాపై అంచనాలను భారీగా పెంచగా ఈ సినిమా నుంచి త్వరలో మరో టీజర్ రిలీజ్ కానుందని వార్తలు తెగ వైరల్ అవుతున్నాయి. ఎన్టీఆర్, రామ్ చరణ్ లను ఒకే టీజర్ లో చూపిస్తూ జక్కన్న మరో టీజర్ ను రిలీజ్ చేయబోతున్నారని తెలుస్తోంది.
దసరా పండుగ కానుకగా అక్టోబర్ 13వ తేదీన ఆర్ఆర్ఆర్ మూవీని రిలీజ్ చేయాలని రాజమౌళి భావిస్తున్నారు. సినిమా రిలీజ్ కు కేవలం మూడు నెలల సమయం మాత్రమే ఉండటంతో ప్రమోషన్స్ విషయంలో వేగం పెంచాలని రాజమౌళి నిర్ణయం తీసుకున్నట్టు తెలుస్తోంది. ఇండిపెండెన్స్ డే కానుకగా ఈ సినిమా నుంచి మరో టీజర్ రిలీజయ్యే అవకాశాలు ఉన్నాయని ఇండస్ట్రీ వర్గాల్లో వినిపిస్తోంది. ఆగష్టు రెండో వారానికి ఆర్ఆర్ఆర్ షూటింగ్ కూడా పూర్తి కానుందని తెలుస్తోంది.
అయితే ఆర్ఆర్ఆర్ నుంచి మరో టీజర్ ను రిలీజ్ చేయబోతున్నట్టు అధికారిక ప్రకటన వెలువడాల్సి ఉంది. సాధారణంగా సినిమా కథలను ముందుగానే చెప్పేసే రాజమౌళి ఆర్ఆర్ఆర్ కథ గురించి మాత్రం ఏ విషయం లీక్ కాకుండా చాలా జాగ్రత్తలు తీసుకుంటున్నారు. దాదాపు 450 కోట్ల రూపాయల భారీ బడ్జెట్ తో ఈ సినిమా తెరకెక్కుతుండటం గమనార్హం. చరణ్ కు జోడీగా సీత పాత్రలో అలియా భట్ నటిస్తుండగా మరో హీరోయిన్ గా ఒలీవియా మోరిస్ నటిస్తున్నారు.
Most Recommended Video
విజయేంద్ర ప్రసాద్ గారి గురించి 10 ఆసక్తికరమైన విషయాలు..!
ఈ 10 స్పీచ్ లు వింటే ఈ స్టార్లకు ఫ్యాన్స్ అయిపోతారు అంతే..!
నయన్, అవికా టు అలియా.. డేటింగ్ కి ఓకే పెళ్ళికి నొ అంటున్న భామలు..!
