కొన్ని సినిమాలు హిట్‌ అవ్వడానికి పెద్ద కాంబినేషన్లు, భారీ సెట్లు, క్రేజీ కాంబోలు అవసరం లేదు. అలా హిట్‌ అయిపోతుంటాయి అంతే. ఎందుకు హిట్‌ అయ్యిందనేది పక్కన పెట్టేసి, ఎలా ఉంది అనేది చూసుకోవడం మంచిది. ఇప్పుడు టాలీవుడ్‌లో అలా హిట్‌ కొట్టిన సినిమా ‘జాతిరత్నాలు’. నిజానికి టీజర్‌ విడుదలైనప్పటి నుండే ఈ సినిమా మీద హిట్‌ టాక్‌ వచ్చింది. ట్రైలర్‌ వచ్చాక పీక్స్‌కి వెళ్లింది. సినిమా అయితే గూస్‌ పింపుల్స్‌ తెప్పించింది. ఇప్పుడు అంతకుమించిన గూస్‌ పింపుల్స్‌ న్యూస్‌ మీ కోసం.
సినిమా ప్లాట్‌ చూస్తే… కచ్చితంగా ఇదే స్టైల్‌లో ఇంకొన్ని సినిమాలు వస్తాయి అని అందరూ అనుకున్నారు. అయితే అదే కాంబినేషన్‌లో వస్తుందని కొందరు మాత్రమే అనుకుని ఉంటారు. అలాంటివారికి గూస్‌ పింపుల్స్‌ రావు కానీ… మిగిలినవారికి ఈ వార్త గూస్‌ పింపుల్సే. ఎందుకంటే ఈ సినిమాకు సీక్వెల్‌ చేయాలని అనుదీప్‌ అనుకుంటున్నాడట. ప్రస్తుతానికి ఈ ఆలోచనలు కొనసాగుతున్నాయట. నిజానికి అనుదీప్‌ తన రెండో సినిమాను స్వప్న సినిమాస్‌ బ్యానర్‌ మీదే చేయాలి. ఆ లెక్కన సీక్వెల్‌ త్వరలోనే మొదలవుతుంది.
అయితే సీక్వెల్‌ ఎలా ఉంటుంది, నేపథ్యం ఏంటి, వాళ్లేనా పాత్రలు…. ఇలాంటి ప్రశ్నలకు సమాధానాలు రావాలంటే ఇంకొంత కాలం పడుతుంది. అయితే… కచ్చితంగా సేమ్‌ టీమ్‌ రిపీట్‌ అవుతుందని వార్తలు మాత్రం వస్తున్నాయి. త్వరలోనే సినిమా అనౌన్స్‌మెంట్‌ ఉంటుందని కూడా తెలుస్తోంది. చూద్దాం ఈసారి గూస్‌ పింపుల్స్‌ తెప్పిస్తాడో, లేక అంతకుమించి అంటాడో మరి.
Most Recommended Video
చావు కబురు చల్లగా సినిమా రివ్యూ & రేటింగ్!
మోసగాళ్ళు సినిమా రివ్యూ & రేటింగ్!
శశి సినిమా రివ్యూ & రేటింగ్!
