‘గౌతమ్ నందా’గా మారిన ‘ఆరడుగుల బుల్లెట్’..!

ఈ మధ్య కాలంలో సినిమా పేర్లు ఏమిటన్నది అధికారికంగా పోస్టర్ విడుదల చేసేంతవరకూ తెలియటం లేదు. వాటిపైన వెలువడే వార్తలూ ఆగడం లేదు. ఆమాటకొస్తే టైటిల్ ప్రకటించి విడుదల సమయంలో మార్చేసిన సందర్భాలు కూడా ఉన్నాయనుకోండి. ఇక ప్రస్తుతం మనం ముచ్చటించుకుంటున్నది గోపీచంద్ సినిమా గురించి.ఆక్సిజన్ సినిమా విడుదల మాటేమిటని మాటవరసకైనా చెప్పని గోపీచంద్ ఈ విషయం తనకేం పట్టదన్నట్టు సంపత్ నంది సినిమాని సెట్స్ మీదికి తీసుకెళ్లిన సంగతి తెలిసిందే.

ఇటీవల తొలి షెడ్యూల్ పూర్తి చేసుకున్న ఈ సినిమాకి ‘ఆరడుగుల బుల్లెట్’ అన్న పేరు పరిశీలనకు వచ్చింది. అయితే ఇప్పుడు ‘గౌతమ్ నందా’ అన్న పేరును ఖరారు చేసినట్టు తెలుస్తోంది. ఈ చిత్ర నిర్మాతలైన జె.భగవాన్, పుల్లారావు ‘గౌతమ్ నందా’ అనే టైటిల్ ని ఇటీవల ఫిల్మ్ ఛాంబర్ లో రిజిస్టర్ చేయించారట. ఏది ఏమైనా దర్శకుడు పవన్ నామ జపాన్ని మానడం లేదన్నది ఇక్కడ సుష్పష్టం. ఇదిలా ఉంటే.. గోపీచంద్ ప్రమేయం ఎంతవరకు ఉంటుందో గానీ ఆయన సినిమా పేర్లన్నీ పూర్ణంతో పూర్తవుతుంటాయి. ఈ సినిమా విషయంలో ఆ సంప్రదాయం పాటించకపోవడం గమనార్హం.