తమిళ డైరెక్టర్ తో చెయ్యి కలిపిన యాక్షన్ హీరో..!

‘సౌఖ్యం’ ‘గౌతమ్ నంద’ ‘ఆక్సిజన్’ ‘పంతం’ ఇలా వరుసగా పరాజయాల్ని చవిచూసాడు గోపీచంద్. సరైన హిట్ లేకపోవడంతో తన మార్కెట్ కూడా చాలా వరకు తగ్గిపోయిందనే చెప్పాలి. సరైన కథను సెలెక్ట్ చేసుకుని మంచి హిట్టు కొట్టాలి అనే కసి మీద ఉన్నాడు గోపిచంద్. మధ్యలో తమిళ సూపర్ హిట్ చిత్రం 96 రీమేక్ ఆఫర్ ను కూడా రిజెక్ట్ చేసాడు. మంచి కథ కోసం వెయిట్ చేస్తూ గోపీచంద్ కొంత గ్యాప్ తీసుకుంటూ వచ్చాడు. అయితే ఇప్పుడు తాజాగా ఓ చిత్రం చేయడానికి రెడీ అయ్యాడు గోపీచంద్.

కోలీవుడ్ హీరో విశాల్ తో ‘వేటాడు.. వెంటాడు’ ‘ఇంద్రుడు’ వంటి డిఫరెంట్ చిత్రాలను తీసి హిట్లు కొట్టిన దర్శకుడు ‘తిరు’ చెప్పిన కథ నచ్చడంతో వెంటనే గ్రీన్ సిగ్నల్ ఇచ్చేశాడు గోపీచంద్. తాజాగా ఈ చిత్రం పూజా కార్యక్రమాల్ని జరుపుకుంది. ఏకే ఎంటర్టైన్మెంట్స్ బ్యానర్ పై ఈ చిత్రం రూపొందుతుంది. ‘కృష్ణగాడి వీర ప్రేమ గాథ’ ‘పడి పడి లేచే మనసు’ చిత్రాలకు అద్భుతమైన మ్యూజిక్ ఇచ్చిన విశాల్ చంద్ర శేఖర్ ఈ చిత్రానికి సంగీతాన్ని అందిస్తున్నాడు.2019 జనవరి 18 నుండీ ఈ చిత్రం రెగ్యులర్ షూటింగ్ స్టార్ట్ అవ్వనుంది. స్పై థ్రిల్లర్ గా తెరకెక్కబోతున్న ఈ చిత్రాన్ని శరవేగంగా పూర్తి చేసి 2019 సమ్మర్ కానుకగా మే నెలలో విడుదల చేయడానికి చిత్ర యూనిట్ ప్లాన్ చేస్తుంది. ఈ చిత్రంలోని నటీనటుల వివరాలను త్వరలోనే ప్రకటించనున్నారు