చక్కనమ్మకి చిక్కులు తెచ్చిపెడుతున్న బొద్దుతనం

సాధారణంగా చక్కనమ్మ చిక్కినా అందమే అంటుంటారు. అయితే.. తర్వాత కాలంలో చక్కనమ్మ కాస్త లావెక్కినా పర్లేదు అనడం మొదలెట్టారు. “కిక్” టైమ్ లో ఇలియానా కాస్త బొద్దుగా అయినప్పుడు ఆమెను చూసిన అభిమానులు మురిసిపోయారు. కానీ.. ఆరేళ్ళ గ్యాప్ తర్వాత “అమర్ అక్బర్ ఆంటోనీ” చిత్రంతో రీఎంట్రీ ఇస్తున్న ఇలియానా ఈమధ్యకాలంలో బాగా గ్యాప్ రావడంతో ఇంకాస్త లావెక్కింది. అయితే.. ఇలియానాకు మంచి స్నేహితుడైన రవితేజకు ఆమె బొద్ధుతనం పెద్ద సమస్యగా అనిపించలేదు కానీ.. ఆమె తదుపరి చిత్రాల హీరోలు మాత్రం ఆ కారణం చేతనే ఆమెను రిజెక్ట్ చేస్తున్నారు.

ఇటీవల గోపీచంద్ ఓ తమిళ దర్శకుడి దర్శకత్వంలో నటించాలనుకున్న సినిమాకి కథానాయికగా ఇలియానా పేరు సజ్సెస్ట్ చేశాడంట సదరు డైరెక్టర్. అయితే.. ఇలియానా మరీ బొద్దుగా ఉండడంతో గోపీచంద్ ఆమెను రిజెక్ట్ చేశాడని వినికిడి. నిజానికి ప్రస్తుతం గోపీచంద్ కెరీర్ కూడా అంత ఆశాజనకంగా లేదు. అలాంటి గోపీచంద్ కూడా ఇలియానాను రిజెక్ట్ చేశాడంటే.. సెకండ్ ఇన్నింగ్స్ లో ఆమె సక్సెస్ అవ్వాలంటే “అమర్ అక్బర్ ఆంటోనీ” విజయం సాధించడం ఎంత అవసరమో ఇప్పుడు తెలిసొచ్చింది ఆమెకి.