రాశి అయితే వద్దంటున్నాడట!

దర్శకుడు మారుతి ‘ప్రతిరోజూ పండగే’ సినిమా తరువాత మరో సినిమా చేయలేదు. రవితేజతో సినిమా చేయాలనుకున్నాడు కానీ కుదరక ఇప్పుడు గోపీచంద్ తో ప్రాజెక్ట్ ఫైనల్ చేసుకున్నాడు. త్వరలోనే ఈ సినిమా సెట్స్ పైకి వెళ్లనుంది. అయితే ఇందులో హీరోయిన్ గా రాశిఖన్నాను తీసుకోవాలనేది మారుతి ఆలోచన. ‘ప్రతిరోజూ పండగే’ సినిమాలో ఆమెతో కలిసి వర్క్ చేసిన మారుతి ఆమెని లక్కీ హీరోయిన్ గా భావిస్తున్నాడు. దీంతో మరోసారి ఆమెని రిపీట్ చేయాలనుకుంటున్నాడు.

కానీ హీరో గోపీచంద్ మాత్రం దానికి అంగీకరించడం లేదట. ఇప్పటికే గోపీచంద్, రాశి కలిసి ‘జిల్’, ‘ఆక్సిజన్’ చిత్రాల్లో నటించారు. ‘ఆక్సిజన్’ సినిమా డిజాస్టర్ అయింది. పైగా ఈ మధ్యకాలంలో రాశి కెరీర్ గ్రాఫ్ ఏమంత బాగాలేదు. ‘శ్రీనివాసకళ్యాణం’, ‘అయోగ్య’, ‘వెంకీమామ’, ‘వరల్డ్ ఫేమస్ లవర్’ ఇలా ఆమె లిస్ట్ లో చాలా ప్లాప్ లు వచ్చి చేరాయి. మరి ఈ కారణంగానో లేక మరో వేరే కారణాలు ఏమైనా ఉన్నాయో కానీ గోపీచంద్ మాత్రం రాశి వద్దని నేరుగా మారుతికి చెప్పేశాడట.

కావాలంటే ఎవరైనా కొత్త హీరోయిన్ ను తీసుకోమంటూ సలహా కూడా ఇచ్చినట్లు తెలుస్తోంది. దీంతో మారుతి ఇప్పుడు హీరోని ఎలా ఒప్పించాలా..? అని చూస్తున్నాడు. గోపీచంద్ మరీ పట్టుబడితే మాత్రం కొత్త హీరోయిన్ ను తీసుకోవాలని అనుకుంటున్నాడట.

Most Recommended Video

మాస్టర్ సినిమా రివ్యూ& రేటింగ్!
రెడ్ సినిమా రివ్యూ & రేటింగ్!
క్రాక్ సినిమా రివ్యూ & రేటింగ్!