హీరో గోపీచంద్ కెరీర్ లో బిగ్గెస్ట్ హిట్ గా నిలిచిన చిత్రం ‘లక్ష్యం’. శ్రీవాస్ రూపొందించిన ఈ సినిమాలో జగపతిబాబు, అనుష్క, కళ్యాణి ముఖ్య పాత్రలు పోషించారు. ఈ యాక్షన్ ఎంటర్టైనర్ ఆడియన్స్ ను అలరించింది. శ్రీవాస్ కి మొదటి సినిమా అయినప్పటికీ చాలా బాగా హ్యాండిల్ చేశాడు. దీంతో అతడికి మంచి పేరొచ్చింది. ఆ తరువాత మళ్లీ గోపీచంద్ తోనే ‘లౌక్యం’ తీసి సక్సెస్ అందుకున్నాడు. ఈ రెండు సినిమాలు తప్పితే శ్రీవాస్ కెరీర్ లో పెద్దగా హిట్స్ లేవు.
Click Here To Watch NEW Trailer
చివరిగా అతడు తీసిన ‘సాక్ష్యం’ సినిమా అట్టర్ ఫ్లాప్ అయింది. దీంతో ఆయన చాలా గ్యాప్ తీసుకొని మళ్లీ గోపీచంద్ తోనే ఓ సినిమా చేయాలని నిర్ణయించుకున్నారు. ఈ మేరకు ప్రకటన కూడా వచ్చింది. పీపుల్స్ మీడియా ఫ్యాక్టరీ మీద టీజీ విశ్వప్రసాద్, వివేక్ కూచిభొట్ల నిర్మాతలుగా సినిమా ఓకే చేసుకున్నాడు. దీనికి సంబంధించిన షూటింగ్ ను కూడా మొదలుపెట్టారు. ఇప్పుడు ఈ సినిమాకి టైటిల్ ఓకే చేసినట్లు సమాచారం.
శ్రీవాస్, గోపీచంద్ కలిసి చేసిన ‘లక్ష్యం’ సినిమా వారికి బాగా కలిసొచ్చింది. అందుకే అదే పేరు వచ్చేలా ‘లక్ష్యం 2’ అనే పేరుని ఈ సినిమాకి ఫిక్స్ చేశారట. అయితే ఇప్పటివరకు అయితే ఈ సినిమా లక్ష్యం సినిమాకి సీక్వెల్ అనే విషయాన్ని ఎక్కడా చెప్పలేదు. పేరు కలిసొస్తుందనే అలా పెట్టారా..? లేక అదే కథను కొనసాగిస్తున్నారా..? అనేది మాత్రం తెలియదు.
గోపీచంద్ నటిస్తోన్న 30వ సినిమా ఇది. దర్శకుడు శ్రీవాస్, గోపీచంద్ ఇద్దరికీ ఈ సినిమా సక్సెస్ కావడం చాలా అవసరం. అందుకే బాగా హోమ్ వర్క్ చేసి రంగంలోకి దిగినట్లు తెలుస్తోంది. మిక్కీ జె మేయర్ ఈ సినిమాకి సంగీతం అందిస్తున్నారు. డింపుల్ హయతి ఈ సినిమాలో హీరోయిన్ గా కనిపించనుంది. అలానే సినిమాలో సెకండ్ హీరోయిన్ గా మరొకరిని తీసుకుంటున్నట్లు తెలుస్తోంది.
Most Recommended Video
ఒకే ఫ్యామిలీలో రెండు జెనెరేషన్స్ కు చెందిన హీరోలతో జోడీ కట్టిన భామల లిస్ట్..!
‘గాడ్ ఫాదర్’ తో పాటు టాలీవుడ్లో రీమేక్ కాబోతున్న 10 మలయాళం సినిమాలు..!
ఈ 10 సినిమాలు తెలుగులోకి డబ్ అయ్యాక కూడా రీమేక్ అయ్యాయని మీకు తెలుసా..!
