సావిత్రమ్మ ఫోటో వెనుక అంత కథ ఉందా?

‘మహానటి’ సావిత్రి గారి గురించి ప్రత్యేక పరిచయం అవసరం లేదు. అప్పట్లో స్టార్ హీరో రేంజ్లో క్రేజ్ సంపాదించుకున్న ఆమె ఎన్నో హిట్ సినిమాల్లో నటించింది. అందులో ‘వెలుగు నీడలు’ అనే సినిమా కూడా ఒకటి..! అక్కినేని నాగేశ్వర రావు, సావిత్రి జంటగా నటించిన ఈ చిత్రంలో జగ్గయ్య , ఎస్.వి.రంగారావు, గుమ్మడి వెంకటేశ్వరరావు, రేలంగి వెంకటరామయ్య, సూర్యకాంతం, గిరిజ, రాజ సులోచన, పద్మనాభం, పేకేటి శివరామ్, ఇ.వి.సరోజ వంటి నటీనటులు ముఖ్యపాత్రలు పోషించారు.

1961 లో జనవరి 7న విడుదలైన ఈ చిత్రానికి ఆదుర్తి సుబ్బారావు దర్శకుడు. పైన మీరు చూస్తున్న ఫోటో ఆ చిత్రంలోనిదే..! ఈ ఫోటోలో సావిత్రి గారు ఓ బాబుని ఎత్తుకుని ఉన్నారు. అతను ఇప్పుడో స్టార్ హీరో. అతనెవరో కనిపెట్టగలరా? నేనే చెప్పేస్తాను లెండి.! సావిత్రమ్మ చేతిలో ఉంది మరెవరో కాదు.. మన ‘కింగ్’ నాగర్జున. ‘వెలుగు నీడలు’ చిత్రంలో వచ్చే ‘చల్లని వెన్నెల సోనలు’ అనే పాటలో ఈయన కనిపిస్తాడు.

ఈ చిత్రంతోనే మన నాగార్జున .. బాల నటుడిగా సినీ ఇండస్ట్రీకి ఎంట్రీ ఇచ్చేసాడు. ‘సిసింద్రీ’ సినిమాల్లో అఖిల్ లా అన్న మాట.అయితే హీరోగా ఎంట్రీ ఇచ్చింది మాత్రం ‘విక్రమ్’ సినిమాతోనే..! ఇక ఇప్పటికీ నాగార్జున అదే గ్లామర్ ను మెయిన్టైన్ చేస్తూ.. ఇప్పటి కుర్ర హీరోలకు కూడా సవాలు విసురుతున్నాడు. ప్రస్తుతం ‘వైల్డ్ డాగ్’ అనే సినిమాలో నటిస్తున్న నాగార్జున.. ‘బిగ్ బాస్4’ ను హోస్ట్ చెయ్యడానికి కూడా రెడీ అవుతున్నాడు.

Most Recommended Video

చిరంజీవి, బాలకృష్ణలు తలపడిన 15 సందర్భాలు!
తమ ఫ్యామిలీస్ తో సీరియల్ ఆర్టిస్ట్ ల.. రేర్ అండ్ అన్ సీన్ పిక్స్..!
ఇప్పటివరకూ అత్యధిక కలెక్షన్లను రాబట్టిన తెలుగు సినిమాలు ఇవే!