తెలుగులో హీరోయిన్ గా పలు సినిమాల్లో నటించింది హంసానందిని ‘మిర్చి’, ‘అత్తారింటికి దారేది’ వంటి సినిమాల్లో స్పెషల్ సాంగ్స్ లో కనిపించి తన క్రేజ్ ను మరింత పెంచుకుంది. ఇదిలా ఉండగా.. రీసెంట్ గా ఈ బ్యూటీ క్యాన్సర్ బారిన పడింది. గత కొంతకాలంగా సోషల్ మీడియాకి, సినిమాలకు దూరంగా ఉంటున్న ఆమె తను క్యాన్సర్ తో పోరాడుతున్నట్లు చెప్పి షాకిచ్చింది. కాలం నా జీవితంలో ఎలాంటి ప్రభావాలు చూపించినా..
బాధితురాలిగా ఉండాలని అనుకోవడం లేదు.. భయం, నెగెటివిటీతో నేను జీవించను.. ధైర్యంగా ప్రతి కష్టాన్ని ఎదుర్కొని ముందడుగు వేయాలనుకుంటున్నా అంటూ ఎమోషనల్ గా ఓ పోస్ట్ ను షేర్ చేసింది. 18 ఏళ్ల క్రితం తన తల్లి క్యాన్సర్ తో పోరాడి కన్నుమూశారని.. అప్పటినుంచి అదే భయం జీవిస్తున్నానని చెప్పింది హంసానందిని. నాలుగు నెలలక్రితం తన బ్రెస్ట్ లో కణతి ఉన్నట్లుగా అనిపించి డాక్టర్స్ ను సంప్రదించానని.. పలు టెస్ట్ లు చేసిన తరువాత తనకు గ్రేడ్ 3 బ్రెస్ట్ క్యాన్సర్ అని నిర్ధారణ అయిందని తెలిపింది హంసానందిని.
సర్జరీ చేసి ఆ కణతిని తొలగించారని.. క్యాన్సర్ ని ముందుగానే గుర్తించడంతో.. పెద్ద ప్రమాదం తప్పిందని తను భావించినట్లు.. కానీ ఆ ఆనందం ఎక్కువరోజులు నిలవలేదని చెప్పింది. తనకు జన్యుపరమైన క్యాన్సర్ ఉన్నట్లు డాక్టర్లు నిర్ధారించారని.. దానికి ప్రకారం బ్రెస్ట్ క్యాన్సర్ వచ్చే ప్రమాదం డెబ్భై శాతం లేదా గర్భాశయ క్యాన్సర్ వచ్చే అవకాశం నలభై శాతం ఉందని తెలిపింది. వీటి నుంచి తప్పుకోవాలంటే సర్జరీలు చేయించుకోవడం ఒక్కటే దారి అని..
ప్రస్తుతానికి కీమోథెరపీ చేయించుకుంటున్నట్లు చెప్పింది. మరో మూడేళ్లపాటు ట్రీట్మెంట్ ను కొనసాగించాల్సి ఉంటుందని.. ఈ మహమ్మారికి తన జీవితాన్ని అంకితం చేయాలనుకోవడం లేదని.. నవ్వుతూ ధైర్యంగా పోరాడాలనుకుంటున్నట్లు చెప్పుకొచ్చింది.
No matter what life throws at me, no matter how unfair it may seem, I refuse to play the victim. I refuse to be ruled by fear, pessimism, and negativity. I refuse to quit. With courage and love, I will push forward. pic.twitter.com/GprpRWtksC
— Hamsa Nandini (@ihamsanandini) December 20, 2021
Most Recommended Video
‘పుష్ప’ చిత్రంలో ఆకర్షించే అంశాలు..!
‘అంతం’ టు ‘సైరా’.. నిరాశపరిచిన బైలింగ్యువల్ సినిమాల లిస్ట్..!
పవర్ ఆఫ్ పబ్లిక్ సర్వెంట్ అంటే చూపించిన 11 మంది టాలీవుడ్ స్టార్లు..!
