సినిమాల్లో బిజీగా ఉన్నప్పుడు స్టార్ హీరోను కూడా పెళ్లి చేసుకోకూడదు, సినిమాలు లేనప్పుడు చిన్నపాటి బిజినెస్ మ్యాన్ సంబంధం వచ్చినా వదులుకోకూడదు. సాధారణంగా మన హీరోయిన్స్ అందరూ స్ట్రిక్ట్ గా ఫాలో అయ్యే ప్రొసీజర్ ఇది. ఆసిన్, కాజల్ లాంటి స్టార్ హీరోయిన్స్ అందరూ ఇదే ఫాలో అయ్యారు. రేపన్న రోజు తమన్నా కూడా ఇదే ప్రాసెస్ ఫాలో అవ్వడానికి సిద్ధంగా ఉంది. అయితే.. తాను మాత్రం ఆ ప్రాసెస్ ను ఫాలో అవ్వను, నాకంటూ ఒక పంధా ఉంది అంటోంది హన్సిక.
అప్పటివరకు సీరియల్స్ లో చైల్డ్ ఆర్టిస్ట్ గా కనిపించి ఒక్కసారిగా “దేశముదురు”లో అల్లు అర్జున్ పక్కన హాట్ గా కనిపించేసరికి “ఏంటి ఈ పిల్ల అప్పుడే పెద్దదైపోయిందా?” అని షాక్ అవ్వని వాళ్ళు లేరు. అప్పట్నుంచి తెలుగు, తమిళ, మలయాళ, కన్నడ భాషల్లో చిన్న-పెద్ద అనే బేధం లేకుండా వరుసబెట్టి సినిమాలు చేసేసిన హన్సిక కెరీర్ ఉన్నట్లుండి నెమ్మదించింది. చేతిలో సరైన సినిమాలు లేవు, కొత్త హీరోయిన్లు కోకొల్లలుగా పుట్టుకొస్తుండడంతో మళ్ళీ ఆమెను దర్శకనిర్మాతలు కానీ ఆమె ఫేవెరెట్ హీరోలు కానీ కన్సిడర్ చేస్తారనే నమ్మకం లేదు.
దాంతో హన్సిక కూడా తన తోటి నాయికల తరహాలో పెళ్లి చేసుకొని సెటిల్ అయిపోతుంది అనుకున్నారు అందరూ. ఇదే విషయమై ఆమెను కొందరు ప్రశ్నించగా.. నా డెయిరీలో అప్పుడే పెళ్లి అనే మాటకు చోటు లేదు. అయినా కెరీర్ స్లో అయితే పెళ్లి చేసేసుకోవాలా అని తిరుగు ప్రశ్నించింది. మరి హన్సిక ప్లానింగ్ ఏమిటో చూడాలి. ఇదివరకు బాగా లావైపోయిన హన్సిక లాక్ డౌన్ టైంలో బాగా స్లిమ్ అయ్యింది.
Most Recommended Video
2020 Rewind: ఈ ఏడాది సమ్మోహనపరిచిన సుమధుర గీతాలు!
కొన్ని లాభాల్లోకి తీసుకెళితే.. మరికొన్ని బోల్తా కొట్టించాయి!
2020 Rewind: ఈ ఏడాది డిజాస్టర్ సినిమాలు ఇవే..!
Home