విజయ్ దేవరకొండ నటిస్తున్న ‘డియర్ కామ్రేడ్’ చిత్రం జులై 26 న ప్రేక్షకుల ముందుకు రానుంది. ప్రస్తుతం పోస్ట్ ప్రొడక్షన్ పనులు జరుపుకుంటుంది ఈ చిత్రం. ఇదిలా ఉండగా మరో రెండు చిత్రాలలో కూడా నటిస్తూ విజయ్ బిజీగా గడుపుతున్నాడు.ఇవి రెండూ కూడా ప్రేమకథలే. ఈ చిత్రాలతో పాటూ.. ఇప్పుడు మరో ప్రేమ కథని చేయడానికి కూడా ఈ రౌడీ రెడీ అయ్యాడట. ‘అందాల రాక్షసి’ ‘కృష్ణగాడి వీర ప్రేమ గాధ’ ‘లై’ ‘పడి పడి లేచే మనసు’ వంటి విభిన్న చిత్రాలు తెరకెక్కించిన హను రాఘవపూడి… విజయ్ కోసం ఓ ప్రేమకథను రెడీ చేసినట్టు సమాచారం.
ఇటీవల విజయ్ ను కలిసి కథ వినిపించాడట. హను చెప్పిన కథ నచ్చడంతో విజయ్ ఓకే చెప్పేశాడట. అందుతున్న సమాచారం… ప్రకారం మిలటరీ నేపథ్యంలో సాగే ప్రేమకథగా ఈ చిత్రం ఉంటుందని తెలుస్తుంది. ప్రస్తుతం క్రాంతిమాధవ్ .. ఆనంద్ అన్నామలై వంటి డైరెక్టర్ల ప్రాజెక్టులతో బిజీగా ఉన్న విజయ్.. ఇవి పూర్తయిన వెంటనే హను తో సినిమా చేస్తాడని తెలుస్తుంది. పూర్తి వివరాలు త్వరలో వెళ్ళువడనున్నాయని సమాచారం.
