ఈ మధ్యకాలంలో చాలా మంది సౌత్ డైరెక్టర్లు నార్త్ లో సినిమాలు తీస్తున్నారు. సందీప్ రెడ్డి వంగా లాంటి డైరెక్టర్ ‘కబీర్ సింగ్’ సినిమాతో బాలీవుడ్ లో రెండొందల కోట్ల క్లబ్ లో చేరాడు. గౌతమ్ తిన్ననూరి, వి.వి.వినాయక్ ఇలా చాలా మంది తెలుగు దర్శకులు బాలీవుడ్ లో సినిమాలు చేస్తున్నారు. ఇప్పుడు హరీష్ శంకర్ కూడా బాలీవుడ్ లో ఎంటర్ అవ్వబోతున్నట్లు తెలుస్తోంది. 2019లో ‘గద్దలకొండ గణేష్’ సినిమాతో ప్రేక్షకుల ముందుకు వచ్చిన హరీష్ శంకర్ ఆ తరువాత ఒక్క సినిమా కూడా చేయలేదు.
పవన్ కళ్యాణ్ తో ‘భవదీయుడు భగత్ సింగ్’ అనే సినిమా చేయబోతున్నాడు. ఇప్పటికే ఈ సినిమాకి సంబంధించిన అఫీషియల్ అనౌన్స్మెంట్ వచ్చింది. కానీ ప్రాజెక్ట్ సెట్స్ పైకి వెళ్లడానికి సమయం పట్టేలా ఉంది. పవన్ కి వేరే ప్రాజెక్ట్ ల కమిట్మెంట్స్ ఉండడంతో హరీష్ శంకర్ సినిమా ఆలస్యమయ్యే అవకాశాలు ఉన్నాయి. అందుకే ఆయన ఈ గ్యాప్ ను వేరే కథల కోసం వాడుకుంటున్నారు. ఇప్పటికే ‘ఏటీఎం’ అనే ప్రాజెక్ట్ ను అనౌన్స్ చేశారు. ఇదొక వెబ్ సిరీస్.
దిల్ రాజుతో కలిసి జీగ్రూప్ ఈ సిరీస్ ను నిర్మించబోతోంది. దీనికి హరీష్ శంకర్ కథ అందిస్తున్నారు. ఇదిలా ఉండగా.. దిల్ రాజు ఇప్పుడు హరీష్ శంకర్ ను బాలీవుడ్ కి పరిచయం చేయాలని చూస్తున్నారు. వీరిద్దరూ కలిసి రూపొందించిన ‘దువ్వాడ జగన్నాధం’ సినిమాను హిందీలో రీమేక్ చేయబోతున్నారు. ఇందులో ఓ యంగ్ హీరో నటిస్తారని సమాచారం. త్వరలోనే దీనికి సంబంధించిన అధికార ప్రకటన రానుంది. మరి బాలీవుడ్ లో ఈ సినిమా ఎలాంటి సక్సెస్ అందుకుంటుందో చూడాలి!
Most Recommended Video
అధికారిక ప్రకటన ఇచ్చారు.. కానీ సినిమా ఆగిపోయింది..!
‘పుష్ప’లో 20కిపైగా తప్పులు… చూశారా!
అన్ని హిట్లు కొట్టినా చైతన్య స్టార్ ఇమేజ్ కు దూరం… ఆ 10 రీజన్స్ వల్లేనట..!
