‘ఐరన్ లెగ్’ అని ముద్ర పడిన హీరోయిన్లను … ‘గోల్డెన్ లెగ్’ గా మార్చడం దర్శకుడు హరీష్ శంకర్ కే చెందింది. కొన్నాళ్ళు స్టార్ హీరోయిన్ గా కొనసాగిన శృతీ హాసన్… మొదట్లో ఐరన్ లెగ్ అనే విమర్శలు ఎదుర్కొనేది. ఆ టైములో పవన్ కళ్యాణ్ …’గబ్బర్ సింగ్’ సినిమాలో ఆమెను హీరోయిన్ గా తీసుకుంటున్నాడు అని హరీష్ శంకర్ పై మండిపడ్డారు పవన్ ఫ్యాన్స్. కానీ వారి భయాల్ని ఏమాత్రం లెక్క చేయకుండా ఆ చిత్రాన్ని పూర్తి చేసి బ్లాక్ బస్టర్ ఇచ్చాడు.
పవన్ కళ్యాణ్ కు స్ట్రాంగ్ కం బ్యాక్ మూవీ అది. ఇక తరువాత పూజా హెగ్దే పై కూడా మొదట్లో అదే ముద్ర ఉండేది. అలాంటి టైములో ‘దువ్వాడ జగన్నాథం’ చిత్రంతో ఆమెను లైమ్ లైట్ లోకి తీసుకువచ్చాడు. ఆ అభిమానంతోనే… స్టార్ హీరోయిన్ అయినప్పటికీ హరీష్ శంకర్ ‘గద్దలకొండ గణేష్’ చిత్రంలో నటించింది పూజా. ఇప్పుడు ఆమె చాలా బిజీ. బాలీవుడ్ లో కూడా రాణిస్తుంది. ఇదిలా ఉంటే..
ఈ బ్యూటీ ఇప్పుడు.. హరీష్ శంకర్ డైరెక్షన్లో పవన్ కళ్యాణ్ చేస్తున్న చిత్రంలో కూడా హీరోయిన్ గా పూజా హెగ్దేనే ఎంచుకున్నాడు అనే వార్తలు వస్తున్నాయి. తాజాగా వీటి పై హరీష్ శంకర్ స్పందించాడు..’ప్రస్తుతం నేను స్క్రిప్ట్ పనుల్లోనే ఉన్నాను. హీరోయిన్ విషయంలో ఇంకా ఎవ్వరినీ అనుకోలేదు..ఎవ్వరినీ సంప్రదించలేదు .. ఎవరినీ ఫైనల్ చెయ్యలేదు. స్క్రిప్ట్ వర్క్ పూర్తయిన తరువాతే… దీనికి ఏ హీరోయిన్ అయితే బాగుంటుంది అని ఆలోచిస్తాను’ అంటూ చెప్పుకొచ్చాడు.
Most Recommended Video
అత్యధిక టి.ఆర్.పి నమోదు చేసిన సినిమాల లిస్టు!
టాలీవుడ్ టాప్ హీరోల వరస్ట్ లుక్స్ ఇవే!
మన హీరోయిన్ల ఫ్యామిలీస్ సంబంధించి రేర్ పిక్స్!
