ఈ రోజు దివంగత స్టార్ డైరెక్టర్ ఇవివి సత్యనారాయణ గారి జయంతి. దీంతో టాలీవుడ్ సెలబ్రిటీల్లో చాలా మంది ఆయన్ని గుర్తుచేసుకుంటూ సోషల్ మీడియాలో పోస్టులు పెడుతున్నారు. కామెడీ సినిమాలకు సెంటిమెంట్ సినిమాలకు ఇవివి గారు పెట్టింది పేరు. ఆయన చిన్న హీరోతో సినిమా తీసినా అది బాక్సాఫీస్ దద్దరిల్లి పోయేలా కలెక్షన్ల వర్షం కురిపించేది. స్టార్ హీరోల మాస్ ఇమేజ్ ను బ్యాలెన్స్ చేస్తూ కూడా తనదైన శైలిలో సినిమా తీసి దాన్ని సూపర్ హిట్ గా నిలపగల సమర్ధుడు ఇవివి.
చిరంజీవితో ‘అల్లుడా మజాకా’, వెంకటేష్ తో ‘అబ్బాయిగారు’ ‘ఇంట్లో ఇల్లాలు వంటింట్లో ప్రియురాలు’, నాగార్జునతో ‘హలో బ్రదర్’ ‘వారసుడు’ వంటి సినిమాలు చేసి సూపర్ హిట్లు ఇచ్చారు ఇవివి గారు. పవర్ స్టార్ పవన్ కళ్యాణ్ ను ‘అక్కడ అమ్మాయి ఇక్కడ అబ్బాయి’ చిత్రంతో హీరోగా పరిచయం చేసింది కూడా ఇవివి గారే..! అలాంటి దర్శకుడి గురించి ఇప్పటి టాప్ డైరెక్టర్ అయిన హరీష్ శంకర్ ట్విట్టర్ ద్వారా పలు ఇంట్రెస్టింగ్ కామెంట్స్ చేశాడు. హరీష్ శంకర్ తన ట్విట్టర్ ద్వారా ఇవివి గారి గురించి స్పందిస్తూ.. ‘ఇ.వి.వి సత్యనారాయణ గారు దర్శకుడు కావడానికీ ..
తనకి వచ్చిన గుర్తింపును నిలబెట్టుకోవడానికి చాలా కష్టపడ్డారు.ఆయన మొదటి సినిమా ‘చెవిలో పువ్వు’ ప్లాప్ అయినప్పుడు ఆయన డీలా పడిపోలేదు. ఎంతో ఆత్మస్థైర్యంతో ముందుకు సాగారు.ఆయన్ని ఎప్పుడు చూసినా చాలా కాన్ఫిడెంట్ గా కనిపించేవారు. ఆయన సినిమాలు చాలా సరదాగా సాగిపోతాయి. అలాంటి ఆయన ‘ఆమె’ సినిమా తీయడం చాలా మందికి ఆశ్చర్యాన్ని కలిగించింది. నిజంగా ఆయన కెరీర్లో ది బెస్ట్ అనిపించుకున్న సినిమా ‘ఆమె’ . ఆయన్ని గర్వపడేలా చేసిన సినిమా అది. అలాంటి డైరెక్టర్ ను ఎవరు మాత్రం మర్చిపోగలరు?’ అంటూ పేర్కొన్నాడు.
Most Recommended Video
ఈ 10 మంది టాప్ డైరెక్టర్లు తెలంగాణ రాష్ట్రానికి చెందిన వాళ్ళే..!
2 ఏళ్ళుగా ఈ 10 మంది డైరెక్టర్ల నుండీ సినిమాలు రాలేదట..!
టాలీవుడ్లో రూపొందుతున్న 10 సీక్వెల్స్ లిస్ట్..!
Home
