చిరంజీవి చిన్నల్లుడు కల్యాణ్ దేవ్ తో సినిమా చేయనున్న హరీష్ శంకర్

మెగాస్టార్ చిరంజీవి చిన్న అల్లుడు, శ్రీజ భ‌ర్త క‌ల్యాణ్ దేవ్ విజేత సినిమా ద్వారా హీరోగా పరిచయమవుతున్నారు. రాకేష్ శ‌శి దర్శకత్వంలో తెరకెక్కిన ఈ సినిమా జూలై 12కి రిలీజ్ కానుంది. ఈ సినిమా తర్వాత క‌ల్యాణ్ దేవ్ స్టార్ డైరక్టర్ దర్శకత్వంలో సినిమా చేయనున్నారు. అపజయాలతో సతమవుతున్న పవన్ కళ్యాణ్ కి హరీష్ శంకర్ గబ్బర్ సింగ్ రూపంలో సూపర్ హిట్ ఇచ్చారు. అలాగే సాయి ధరమ్ తేజ్ తో సుబ్రహ్మణ్యం ఫర్ సేల్ వంటి హిట్ ఇవ్వగా.. అల్లు అర్జున్ కి కూడా దువ్వాడ జగన్నాథం రూపంలో విజయాన్ని ఇచ్చారు. మెగా హీరోలంటే ప్రాణం పెట్టి సినిమాలు చేసే హరీష్ శంకర్ అభిమానం చూసి..

చిరు పిలిచి కథ రెడీ చేయమని చెప్పారంట. మొదటి సినిమా ఎటువంటి బిల్డప్స్ లేకుండా వస్తోంది. రెండో సినిమా మాత్రం గబ్బర్ సింగ్ లా యాక్షన్, కామెడీ కలిసి ఉంటుందని సమాచారం. రామ్ చరణ్ కి రెండో సినిమా మగధీర పేరు తెచ్చిన్నట్టు.. కళ్యాణ్ దేవ్ కి ఈ సినిమా అలా కెరీర్ టర్నింగ్ సినిమా కావాలని మెగాస్టార్ ఆశపడుతున్నారు. చిరు తనపై పెట్టిన నమ్మకాన్ని నిలుపుకోవాలని తన బృందంతో అద్భుతమైన స్క్రిప్ట్ ని హరీష్ సిద్ధం చేస్తున్నారు. విజేత సినిమా హిట్ అయితే హరీష్ శంకర్ సినిమాపై అంచనాలు పెరిగిపోవడం గ్యారంటీ.