టాలీవుడ్‌లో మాస్ హీరోలను బాగా హ్యాండిల్‌ చేయగల మాస్ దర్శకుల్లో హరీశ్‌ శంకర్ (Harish Shankar) ఒకరు. రీమేక్‌ సినిమా అయినా సరే… తనదైన శైలిలో హీరో పాత్ర చిత్రణను సిద్ధం చేసుకుని ఇటు ఫ్యాన్స్‌ను అటు ప్రేక్షకుల్ని మెప్పిస్తుంటారాయన. ఇలాంటి దర్శకులతో సినిమా అంటే నందమూరి బాలకృష్ణకు (Balakrishna) చాలా ఇష్టం. బోయపాటి (Boyapati Srinu) – బాలయ్య కాంబినేషన్‌ అందుకే బాగా వర్కవుట్‌ అయింది కూడా. అలా హరీశ్‌ – బాలయ్య సినిమా కూడా ఉంటుంది అని చాలా రోజుల నుండి వార్తలొస్తున్నాయి.
ఆ మధ్య రెండు, మూడు సార్లు వేదికల మీద, కార్యక్రమాల్లో కూడా ఈ విషయం చూచాయగా చెప్పేశారు కూడా. అయితే అక్కడ ఎక్కడా క్లారిటీ లేదు. ఇప్పుడు మరికాస్త క్లారిటీ ఇచ్చే ఓ యాడ్‌ బయటకు వచ్చింది. హరీశ్‌ తర్వాతి సినిమా నందమూరి బాలకృష్ణతోనే అని చెప్పేలా ఓ యాడ్‌ వచ్చింది అనేది నెటిజన్ల వాదన. హరీష్ శంకర్‌కి పుట్టిన రోజు విషెస్ చెప్తూ కేవీఎన్ ప్రొడ‌క్ష‌న్స్ అనే సినిమా బ్యానర్‌ ఒక పోస్ట్ పెట్టింది.
అందులో ‘హ్యాపీ బ‌ర్త్ డే టూ అవ‌ర్ బ్లాక్ బ‌స్ట‌ర్ డైరెక్ట‌ర్ హ‌రిశ్ శంకర్’ అని రాసుకొచ్చింది. అంటే కేవీఎన్ ప్రొడ‌క్ష‌న్స్ బ్యానర్‌లో హరీశ్‌ ఒక సినిమా చేస్తారు అని అర్థం. అయితే ఆ సినిమాలో హీరో బాలకృష్ణ అనేది నెటిజన్ల మాట. ఈ న్యూస్ విన్న నందమూరి ఫాన్స్ ఫుల్ ఖుష్‌ అవుతున్నారు. ఇక ప్రస్తుతం హరీశ్‌ శంకర్ ‘మిస్టర్ బచ్చన్’ (Mr. Bachchan) సినిమాతో బిజీగా ఉన్నారు. బాలీవుడ్‌ సినిమా ‘రెయిడ్‌’కి రీమేక్‌గా ఈ సినిమాను రవితేజతో (Ravi Teja) చేస్తున్నారు హరీశ్‌.
ఈ సినిమాలో ‘ఉస్తాద్‌ భగత్‌ సింగ్‌’ (Ustaad Bhagat Singh) చేస్తారు. అయితే ఇది పవన్‌ (Pawan Kalyan) డేట్స్‌ మీద ఆధారపడి ఉంటుంది. ఇక బాలయ్య ఇప్పుడు బాబితో ఓ సినిమా చేస్తున్నారు. ఆ తర్వాత బోయపాటి శ్రీనుతో ఓ సినిమా ఉంటుంది అంటున్నారు. ఈ సినిమాలు పూర్తి చేసుకుని బాలయ్య… హరీశ్‌ సినిమాకు సిద్ధంగా ఉంటారు అని అంటున్నారు. త్వరలో ఈ విషయంలో క్లారిటీ వచ్చేస్తుంది.
