వరుణ్ తేజ్ తో వైరానికి దిగిన హర్ష వర్ధన్

మెగా ప్రిన్స్ వరుణ్ తేజ్ సరికొత్త ప్రేమ కథతో మనల్ని పలకరించనున్నారు. శేఖర్ కమ్ముల దర్శకత్వంలో వరుణ్ నటిస్తున్న ఫిదా మూవీ షూటింగ్ ప్రస్తుతం రామోజీ ఫిలిం సిటీలో జరుగుతోంది. మలయాళ ప్రేమమ్ బ్యూటీ సాయి పల్లవి ఇందులో హీరోయిన్ గా నటిస్తోంది. శ్రీ వెంకటేశ్వర క్రియేషన్స్ బ్యానర్ పై ప్రముఖ నిర్మాత దిల్ రాజు నిర్మిస్తున్న ఫిల్మ్ లో విలన్ ఫిక్స్ అయ్యాడు. తకిట తకిట సినిమాతో తెలుగు సినిమాలో అడుగు పెట్టిన హర్షవర్ధన్ రానే ఆ తర్వాత అవును, గీతాంజలి సినిమాలతో ప్రేక్షకులకు దగ్గరయ్యారు. అయితే ఇప్పటివరకు ఎక్కువగా పాజిటివ్ పాత్రలు పోషించిన హర్ష వర్ధన్ ఫిదా మూవీలో నెగిటివ్ రోల్ పోషిస్తున్నారు.

ఈ విషయాన్నీ హర్ష ఇండైరెక్ట్ గా చెప్పారు. ట్విట్టర్లో తన ఫోటో షేర్ చేస్తూ “రామోజీ ఫిల్మ్ సిటీలో చాయ్ వాడు పొద్దుపొడిచాడు. నా కిష్టమైన డైరక్టర్ సినిమాలో నటిస్తున్నందుకు చాలా సంతోషంగా ఉంది.” అంటూ డిఫరెంట్ గా ట్వీట్ చేసి ఆనందాన్ని పంచుకున్నారు. వేగంగా షూటింగ్ జరుపుకుంటున్న ఈ మూవీని మే 19 రిలీజ్ చేయాలనీ దిల్ రాజు అనుకుంటున్నారు. మిస్టర్ పరాజయం పాలవడంతో వరుణ్ తేజ్ ఆశలన్నీ ఫిదా పైనే పెట్టుకొని ఉన్నారు.

Also, do SUBSCRIBE to our YouTube channel to get latest Tollywood updates.