హిందీలో తెలుగు హీరో పాట్లు..!

తెలుగులో పలు చిత్రాల్లో నటించిన హర్షవర్థన్ రానే.. టాలీవుడ్ లో తనకు తగినన్ని అవకాశాలు రాలేదన్న ఉద్దేశ్యంతో ‘సనమ్ తేరి కసమ్’ చిత్రంతో బాలీవుడ్ లో ఎంట్రీ ఇచ్చాడు. ఈ చిత్రం బాక్సాఫీస్ వద్ద ప్రేక్షకులను ఆకట్టుకోలేక పోయినప్పటికీ.. రానేకు మాత్రం నటుడిగా మంచి మార్కులే కొట్టేశాడు.

తాజా సమాచారం ప్రకారం రానే ఓ హిందీ రీమేక్ లో నటించనున్నాడు. 1988 లో తమిళంలో మణిరత్నం తెరకెక్కించిన ‘అగ్ని నచరితం’ చిత్రాన్ని బెజోయ్ నబియార్ హిందీలో రీమేక్ చేయనున్నాడు. ఈ రీమేక్ లో రానే, విక్కి విశాల్ లు ప్రధాన పాత్రల్లో నటించనున్నారు. ప్రస్తుతం ఈ చిత్రానికి సంబంధించిన ప్రీ ప్రొడక్షన్ వర్క్స్ జరుగుతున్నాయి. మణిరత్నం చిత్రాన్ని రీమేక్ చేస్తున్న బెజోయ్.. మణిరత్నం శిష్యుడే కావడం విశేషం. కాగా ‘అగ్ని నచరితం’ తెలుగులో ‘ఘర్షణ’గా విడుదలై మంచి విజయాన్ని అందుకోంది.