కుమారిగా తెలుగు ప్రేక్షకుల హృదయాల్లో చెక్కిలిగింతలు పెట్టిన శృంగారి హెభా పటేల్. ‘కుమారి 21ఎఫ్’లో హెభా నటనను అంత త్వరగా ఎవ్వరూ మరువలేరు. అందాల విందు భోజనమే పెట్టింది. మరోసారి అంతకు మించి అందాల భోజనం పెట్టడానికి సిద్ధమైంది. నిఖిల్ కథానాయకుడిగా వి.ఐ.ఆనంద్ దర్శకత్వంలో ఓ చిత్రం తెరకెక్కుతోంది. హెభా పటేల్ కథానాయికగా నటిస్తుంది. ఈ చిత్రంలో హిప్ హాప్ డాన్సర్ పాత్రలో కనిపించనుంది.
ప్రథమార్థమంతా సంప్రదాయబద్ధమైన పాత్రలో.. ద్వితీయార్థంలో హిప్ హాప్ స్టెప్పులతో అలరించనుందని యూనిట్ సన్నిహిత వర్గాలు తెలిపాయి. ఇటీవల హిప్ హాప్ డాన్సర్ గా హెభాపై సన్నివేశాలను చిత్రీకరించారు. ఓ పాటలో అయితే.. హెభా చేసిన నృత్యాలు కుర్రకారులో హుషారు పెంచుతాయని సమాచారం. ‘కుమారి 21ఎఫ్’లో హెభాకు పెద్దగా డాన్స్ చేసే అవకాశమే రాలేదు. పాటల్లో ఎక్కువ మాంటేజ్ సన్నివేశాలు కనిపించాయి. దాంతో ఈ ముంబై భామ నిఖిల్ చిత్రంలో తన డాన్స్ టాలెంట్ చూపించాలని ఎదురు చూస్తుంది. ఈ చిత్రంతో పాటు మంచు విష్ణు, రాజ్ తరుణ్ కథానాయకులుగా నటిస్తున్న ‘ఆడో రకం.. ఈడో రకం’, బెక్కం వేణుగోపాల్ నిర్మిస్తున్న ‘నేను.. నా బాయ్ ఫ్రెండ్స్’లోనూ నటిస్తుంది.
Home