ఆ ఇద్దరు భామలు గ్లామర్ రూటుకి గుడ్ బై చెప్పేసినట్టే..!

కెరీర్ ప్రారంభంలో నయనతార చేసిన గ్లామర్ రోల్స్ అన్నీ ఇన్నీ కాదు. అందాల ఆరబోత విషయంలో అస్సలు తగ్గేది కాదు. కానీ ఆ పాత్రలు చేస్తున్నప్పుడు ఎన్నో విమర్శలు ఎదుర్కొంది నయన్.ఓ దశలో ఆమెకు ఇక ఆమెకు లైఫ్ ఉండదనే కామెంట్స్ కూడా వినిపించాయి.కానీ ఆ తరువాత ఆమె రూటు మార్చింది. సన్నగా తయారయ్యి సీతగా కనిపించింది. అటు తరువాత వచ్చిన ‘రాజారాణి’ చిత్రం నయన్ కు లైఫ్ ఇచ్చిందనే చెప్పాలి. అక్కడి నుండీ గ్లామర్ పాత్రలను కాస్త తగ్గించి కథా ప్రాధాన్యత ఉన్న సినిమాలను చేస్తూ..

అవసరమైతే డీ గ్లామరస్ పాత్రలకు కూడా నొ చెప్పకుండా లేడీ సూపర్ స్టార్ గా ఎదిగింది. ప్రస్తుతం సౌత్లో అత్యధిక పారితోషికం అందుకునేది నయనే అని చెప్పడంలో ఎటువంటి సందేహం లేదు. ఇదిలా ఉండగా.. ఇప్పుడు ఓ ఇద్దరు టాలీవుడ్ హీరోయిన్లు కూడా నయన్ నే స్ఫూర్తిగా తీసుకున్నట్టు కనిపిస్తుంది. వారెవరంటే ఒకరు హెబ్బా పటేల్ మరొకరు పాయల్ రాజ్ పుత్. మొన్నటి వరకూ ఈ భామలు గ్లామర్ షో విషయంలో అస్సలు తగ్గేవారు కాదు. కుర్రకారు మొత్తం వీరి గ్లామర్ ఫోటోలకు ఫిదా అయిపోయేవారు.

ఇక హెబ్బా అయితే ఐటెం సాంగ్స్ తో దుమ్ము రేపడానికి కూడా రెడీ అయిపోయింది. అయితే వీరిద్దరూ ఇప్పుడు డీ గ్లామరస్ రోల్స్ లో కనిపించడానికి కూడా రెడీ అయిపోయారు. గ్లామర్ పాత్రలు చెయ్యడం వలన ఎక్కువ ఫ్యూచర్ ఉండదని తెలుసుకున్నారో ఏమో.. ‘ఓదెల రైల్వేస్టేషన్’ సినిమాలో హెబ్బా పటేల్, ‘అనగనగా ఒక అతిథి’ సినిమాలో పాయల్ రాజ్ పుత్ డీ గ్లామరస్ పాత్రలు చెయ్యడానికి రెడీ అయ్యారు. వీళ్ళు మంచి నిర్ణయమే తీసుకున్నారా? లేదా? అన్నది ఆ సినిమాలు విడుదలైతే కానీ చెప్పలేము.

Most Recommended Video

‘ఆర్.ఆర్.ఆర్’ : భీమ్ పాత్రకు రాజమౌళి ఆ పాయింటునే తీసుకున్నాడా?
‘బిగ్ బాస్’ అఖిల్ గురించి మనకు తెలియని విషయాలు..!
టాలీవుడ్లో 30 కోట్ల మార్కెట్ కలిగిన హీరోలు ఎవరో తెలుసా?