హెబ్బా పటేల్ ‘తెలిసినవాళ్ళు’ విడుదలకి మోక్షం

సిరెంజ్ సినిమా పతాకంపై కేఎస్వీ సమర్పణలో విప్లవ్ కోనేటి దర్శకత్వంలో నిర్మితమవుతున్న చిత్రం ” తెలిసినవాళ్ళు” . విభిన్న కథాంశంతో రొమాన్స్ – ఫ్యామిలీ – థ్రిల్లర్ జోనర్స్ కలసిన ఒక కొత్త తరహా కథనంతో రూపొందుతున్న ఈ చిత్రంలో హీరోగా రామ్ కార్తీక్ నటిస్తుండగా అతని సరసన హీరోయిన్ పాత్రలో హేబా పటేల్ నటిస్తున్నారు.ఈ చిత్రానికి శ్రీ చరణ్ పాకాల సంగీతం అందిస్తున్నారు.

ఇదివరకే ఈ చిత్రం నుండి రిలీజైన “శశివదనే” పాటకు మంచి స్పందన లభించింది. అలానే ఫ్యామిలీ సూసైడ్ నేపథ్యంలో వచ్చిన ఈ చిత్ర టీజర్ కూడా ఆద్యంతం ఆసక్తికరంగా ఉంది.ఈ చిత్రం టీజర్ చూసిన తరువాత ఈ సినిమాపై అంచనాలు మరింత పెరిగాయి, టీజర్ చూసిన కొంతమంది ప్రొడ్యూసర్స్, సినీ ప్రముఖులు నుంచి మంచి స్పందన లభిస్తుంది. అలానే ఈ చిత్రంపై మంచి నమ్మకంతో ఉన్నారు. పోస్టర్స్, సాంగ్స్ , టీజర్ అన్ని ఈ చిత్రంపై అంచనాలను పెంచుతున్నాయి.

ఈ చిత్రంలో ముఖ్య పాత్రలలో సీనియర్ నరేష్, పవిత్ర లోకేష్ , జయ ప్రకాష్ నటిస్తున్నారు. చిత్రీకరణ పూర్తిచేసుకున్న ఈ చిత్రం, త్వరలో సెన్సార్ పనులు కూడా పూర్తిచేయనుంది. ఈ సినిమా ప్రీ రిలీజ్ ఈవెంట్ ను ఘనంగా నిర్వహించనుంది చిత్రబృందం. “తెలిసినవాళ్ళు” చిత్రం మరిన్ని అప్డేట్స్ ను , ఈ చిత్రాన్ని నవంబర్ నెలలో విడుదల చేసుకుందుకు సన్నాహాలు చేస్తున్నారు.